ସିମୁଳିଆ : ଘରକୁ ଯିବା ନିମନ୍ତେ ଅଟୋରେ ବସିଥିବା ସମୟରେ ମହିଳା ବେକରେ ପିନ୍ଧିଥିବା ସୁନାଚେନ ଝାମ୍ପି ନେଲେ ଦୁର୍ବୃତ୍ତ। ସୂଚନା ଅନୁଯାୟୀ,ବାଲେଶ୍ବର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ଜାମ୍ମୁଝାଡ଼ି ବସ ଷ୍ଟାଣ୍ଡ ନିକଟରେ ଏକ ଅଟୋରେ ବାସୁଦେବପୁର ଅଞ୍ଚଳର ମମତାରାଣୀ ପ୍ରଧାନ ବସିଥିବା ବେଳେ ପଛପଟୁ ବାଇକରେ ତିନିଜଣ ଦୁର୍ବୃତ୍ତ ଆସି ବେକରେ ପିନ୍ଧିଥିବା ସୁନାଚେନ ଝାମ୍ପି ନେଇ ସୋର ଅଭିମୁଖେ ପଳାଇ ଯାଇଥିଲେ। ମମତା ଚିତ୍କାର କରିବାରୁ ସ୍ଥାନୀୟ ଯୁବକ ଦୁର୍ବୃତ୍ତଙ୍କ ପିଛା କରିଥିଲେ।
ଜାତୀୟ ରାଜପଥ ଚଡକମରା ନିକଟରେ ଦୁର୍ବୃତ୍ତ ମାନେ ବନ୍ଧୁକ ଓ ଭୁଜାଲି ଦେଖାଇବାରୁ ଜୀବନ ବିକଳରେ ଯୁବକ ମାନେ ଫେରି ଆସିଥିଲେ। ପରେ ମମତା ଏ ସଂକ୍ରାନ୍ତରେ ସିମୁଳିଆ ଥାନାରେ ଅଭିଯୋଗ କରିଥିବା ଜଣାଯାଇଛି। ଦିନକୁ ଦିନ ସିମୁଳିଆ ଆଖପାଖ ତଥା ଜାତୀୟ ରାଜପଥରେ ଚୋରି ଓ ଛୀନତାଇ ଭଳି ଘଟଣା ବୃଦ୍ଧି ପାଇବାରେ ଲାଗିଛି। ଏଥି ପ୍ରତି ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେଇ ଅଞ୍ଚଳବାସୀଙ୍କୁ ସୁରକ୍ଷା ଯୋଗାଇ ଦେବାକୁ ଦାବି ହେଉଛି।
ମହିଳାଙ୍କ ନିକଟରୁ ଝାମ୍ପି ନେଲେ ସୁନାଚେନ
Popular Categories
Previous article
Next article