ଲକ୍ଷ୍ମୀପୁର: ମା’ ପାଇଁ ଗଛଟିଏ କାର୍ଯ୍ୟକ୍ରମ ସ୍ଥାନୀୟ ଲକ୍ଷ୍ମୀପୁର ସ୍ଥିତ ସାଙ୍ଗାନା ଉଚ୍ଚ ବିଦ୍ୟାଳୟରେ ଶୁକ୍ରବାର ଅନୁଷ୍ଠିତ ହୋଇଯାଇଛି। ଏଥିରେ ଲକ୍ଷ୍ମୀପୁର ବନାଞ୍ଚଳ ଅଧିକାରୀ କୁମାର ଖରା ଓ ବନବିଭାଗ କର୍ମଚାରୀଙ୍କ ସହାୟତାରେ ୧୫୦ରୁ ଉର୍ଦ୍ଧ ଚାରା ବିଦ୍ୟାଳୟ ପରିସରରେ ରୋପଣ କରାଯାଇଛି। ପ୍ରଧାନ ଶିକ୍ଷକ ଗୋପାଳ ମଣ୍ଡଳଙ୍କ ଅଧ୍ୟକ୍ଷତାର ଏକ ସଭା ଅନୁଷ୍ଠିତ ହୋଇ ମା’ ପାଇଁ ଗଛଟିଏ କାର୍ଯ୍ୟକ୍ରମ ଉପରେ ଛାତ୍ରଛାତ୍ରୀ ମାନଙ୍କୁ ବୁଝାଯିବା ସହ ବିଭିନ୍ନ କିସମ କୃଷ୍ଣଚୂଡ଼ା, ରାଧା ଚୁଡ଼ା, ବିଷ୍ଣୁ ଚୁଡ଼ା, ରୀଠା, ଅଁଳା,ପିଜୁଳି, ଆମ୍ବ, ଜାମୁକୋଳି,ବଉଳ,ଲିମ୍ବ, ଅମୃତ ଭଣ୍ଡା ଓ ସଜନା ଆଦି ଚାରା ରୋପଣ କରାଯାଇଛି। ଜେଆରସି କାଉନସିଲର ସପନ କୁମାର ବୁଦୀକ୍ଷିତ, ସ୍କାଉଟ୍ ମାଷ୍ଟର ଆଶୀର୍ବାଦ ନାୟକ, ଗାଇଡ କ୍ୟାପଟେନ ପ୍ରିୟଙ୍କା ବିଷୋୟୀ ଟ୍ରୁପକୁ ନେଇ ବୃକ୍ଷରୋପଣ କରିଥିଲେ। କାର୍ଯ୍ୟକ୍ରମକୁ ବିଜ୍ଞାନ ଶିକ୍ଷକ ଗୋଲକ ଚନ୍ଦ୍ର ଲେଙ୍କା ପରିଚାଳନା କରିଥିବା ବେଳେ ସମାଜସେବୀ ଶ୍ରୀବତ୍ସ ଖରା, ଶିକ୍ଷକ ସୁଜିତ୍ କୁମାର ସାମଲ, ଶଙ୍କର ଗୁଡ଼ୁମ୍ବକା, ସୁକାନ୍ତ ଯାଦବ, କସ୍ତୁରୀ ଶବର, ଜେଶ୍ନା ପଣ୍ଡା, ସୁନୀତା ସାହୁକାର, ମମତା ମହାନ୍ତି, ବିଜୟ ସୁରଜ ନାୟକ ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ।
Popular Categories
Previous article
Next article