ସମାଜ ଡିଜିଟାଲ ଡେସ୍କ: ହୀରାକୁଦ ଡ୍ୟାମ ନିଷିଦ୍ଧାଞ୍ଚଳର ଭିଡିଓ ପ୍ରଘଟ ହୋଇଛି। ଜଣେ ଭ୍ଲଗର ନିଷିଦ୍ଧାଞ୍ଚଳରେ ଡ୍ରୋନ କ୍ୟାମେରା ଉଡ଼ାଇ ଏହି ଭିଡିଓ କରିଥିବା ଅଭିଯୋଗ ହୋଇଛି। ତେବେ ଏହି ଭ୍ଲଗର କିଏ ଏବଂ ସେ କିପରି ସୁରକ୍ଷା ଭେଦ କରି ନିଷିଦ୍ଧାଞ୍ଚଳରେ ଡ୍ରୋନ ଉଡ଼ାଇଲେ ତାହାକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି। ସାମାଜିକ ଗଣମାଧ୍ୟମରେ ଭିଡିଓଟି ଘୂରି ବୁଲୁଛି। ଭିଡିଓରେ ହୀରାକୁଦ ଡ୍ୟାମ ଅପରେସନ ଗ୍ୟାଲେରୀର ଦୃଶ୍ୟ ରହିଛି। ଏହା ସହିତ ଡ୍ୟାମ ଗେଟ ଖୋଲାଯିବା ସମୟର ଦୃଶ୍ୟ ବି ଭିଡିଓରେ ରେକର୍ଡ ହୋଇଛି। ଡ୍ରୋନ ଉଡ଼ାଇବା ସମୟରେ ହୀରାକୁଦ ଡ୍ୟାମର କୌଣସି ଅଧିକାରୀ କିମ୍ବା କର୍ମଚାରୀ ଦେଖିଛନ୍ତି କି ନାହିଁ ତାହାକୁ ନେଇ ପ୍ରଶ୍ନ ଉଠିଛି। ତେବେ ଏପରି ହେବା କଥା ନୁହେଁ ବୋଲି ହୀରାକୁଦ ଡ୍ୟାମ ମୁଖ୍ୟ ଯନ୍ତ୍ରୀ ଗଣମାଧ୍ୟମକୁ କହିଛନ୍ତି।
Comments are closed.