ଫୁଲବାଣୀ: କନ୍ଧମାଳ ଜିଲା ସମିତି ସଭ୍ୟ ଓ ସଭ୍ୟା ମହାସଂଘ ପକ୍ଷରୁ ନବ ନିର୍ବାଚିତ କନ୍ଧମାଳ ଲୋକସଭା ସାଂସଦ ଓ ଜିଲାର ତିନୋଟି ବିଧାନସଭା ନିର୍ବାଚନ ମଣ୍ଡଳିର ବିଧାୟକମାନଙ୍କୁ ସମ୍ବର୍ଦ୍ଧନା ଦିଆଯାଇଛି। ମହାସଂଘର ସଭାପତି ବୈଦ୍ୟନାଥ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ସାଂସଦ ସୁକାନ୍ତ ପାଣିଗ୍ରାହୀ, ଫୁଲବାଣୀ ବିଧାୟକ ଉମା ଚରଣ ମଲିକ, ଜି.ଉଦୟଗିରି ବିଧାୟକ ପ୍ରଫୁଲ ଚନ୍ଦ୍ର ପ୍ରଧାନ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ବାଲିଗୁଡ଼ା ବିଧାୟକ ଅନ୍ୟ ଏକ କାର୍ଯ୍ୟରେ ଥିବା ଯୋଗୁଁ ସେ ସାମିଲ୍ ହୋଇ ପାରିନଥିଲେ ବୋଲି ମହାସଂଘ ପକ୍ଷରୁ କୁହାଯାଇଛି। ଅନୁଷ୍ଠିତ କାର୍ଯ୍ୟକ୍ରମରେ କାର୍ଯ୍ୟକାରି ସଭାପତି ଭାଗ୍ୟବାନ ବେହେରା ସଂଯୋଜନା କରିଥିବା ବେଳେ ଅନ୍ୟତମ ଅତିଥି ଭାବେ ଫିରିଙ୍ଗିଆ ବ୍ଳକ ଅଧ୍ୟକ୍ଷା ନମିତା କହଁର, କ.ନୂଆଗାଁ ବ୍ଳକ ଅଧ୍ୟକ୍ଷା ସୁଲୋଚନା ଦଳବେହେରା, ଉପାଧ୍ୟକ୍ଷ ଧବଳେଶ୍ୱର ପାତ୍ର, ଜିଲା ଉପସଭାପତି ଜୁନେଶ୍ ଦିଗାଲ, ସୁରଦା ପ୍ରଧାନ, ରାଜ୍ୟ ସଂଘର କାର୍ଯ୍ୟକାରିଣୀ ସଦସ୍ୟ ଜାନକୀ କହଁର ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ବିଭିନ୍ନ ସମସ୍ୟାର ସମାଧାନ ନିମନ୍ତେ ୧୨ ଦଫା ସମ୍ବଳିତ ଦାବିପତ୍ର ସାଂସଦ ଓ ବିଧାୟକ ମାନଙ୍କୁ ପ୍ରଦାନ କରାଯାଇଥିଲା।
Comments are closed.