ସମାଜ ଡିଜିଟାଲ ଡେସ୍କ: ବଲିଉଡ଼ର ଲୋକପ୍ରିୟ ତଥା ବରିଷ୍ଠ ଗାୟିକା ଉଷା ଉଥୁପ୍ଙ୍କ ସ୍ଵାମୀ ଜାନୀ ଚାକୋ ଉଥୁପ୍ଙ୍କ ପରଲୋକ ଘଟିଛି। ସୋମବାର କଲକାତାରେ ସେ ଶେଷ ନିଃଶ୍ଵାସ ତ୍ୟାଗ କରିଛନ୍ତି। ୭୮ ବର୍ଷୀୟ ଜାନୀ ଘରେ ଟିଭି ଦେଖିବା ସମୟରେ ହୃଦ୍ଘାତରେ ତାଙ୍କର ମୃତ୍ୟୁ ଘଟିଥିବା ପରିବାର ଲୋକେ ସୂଚନା ଦେଇଛନ୍ତି।
ସୂଚନାଯୋଗ୍ୟ, ଜାନୀ ଚାକୋ ଉଷା ଉଥୁପ୍ଙ୍କ ଦ୍ଵିତୀୟ ସ୍ଵାମୀ ଥିଲେ। ଉଷାଙ୍କ ବ୍ୟତୀତ ସେ ତାଙ୍କର ଦୁଇ ସନ୍ତାନଙ୍କୁ ମଧ୍ୟ ଛାଡ଼ି ଯାଇଛନ୍ତି। ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି। ମଙ୍ଗଳବାର ଜାନୀ ଚାକୋ ଉଥୁପ୍ଙ୍କ ଅନ୍ତିମ ସଂସ୍କାର କରାଯିବ ବୋଲି ଜଣାପଡ଼ିଛି।
Comments are closed.