ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ଏଭଳି ଭିଡିଓ ଭାଇରାଲ ହୋଇଥାଏ, ଯେଉଁଥିରେ କୁକୁର ମାନଙ୍କ ପ୍ରତି ଥିବା ଭଲ ପାଇବା ଏକ ଉଦାହରଣ ସାଜିଥାଏ। ନିଜ ପୋଷା କୁକୁରକୁ ବିିଭିନ୍ନ ଜିନିଷ ଦେବା ସହ ସେମାନଙ୍କ ପ୍ରତି ଥିବା ଭଲ ପାଇବା ଦେଖିବାକୁ ମିଳିଥାଏ। ନିକଟରେ ଏଭଳି ହିଁ ଏକ ଭିଡିଓ ଏବେ ଭାଇରାଲ ହେଉଛି। ଏହି ଭିଡିଓ ଲୋକଙ୍କ ଧ୍ୟାନକୁ ବେଶ ଆକର୍ଷିତ କରୁଛି। ଜଣେ ମହିଳା ନିଜର ପୋଷା କୁକୁରକୁ କିଛି ଖାସ୍ ଅନୁଭବ କରାଇବା ପାଇଁ ଏଭଳି କିଛି କରିଛନ୍ତି, ଯାହା ଏବେ ଚର୍ଚ୍ଚାର ବିଷୟ ପାଲଟିଛି। ଭିଡିଓଟି ଲୋକଙ୍କ ହୃଦୟକୁ ଜିତି ପାରିଛି।
ଭିଡିଓ ଆରମ୍ଭରେ ଦେଖିପାରିବେ, ଜଣେ ମହିଳା ଖୁବ୍ ଭାବିଚିନ୍ତି ଅଳଙ୍କାର ଦୋକାନରୁ ଏକ ସୁନା ଚେନ୍ କିଣୁଛନ୍ତି। ସେହି ସମୟରେ ମହିଳାଙ୍କ ପୋଷା କୁୁକୁର ତାଙ୍କୁ ଖୁବ୍ ଧ୍ୟାନ ସହ ଦେଖୁଛି। ନିଜ ଜନ୍ମ ଦିନର ଉପହାର ପାଇଁ ଅପେକ୍ଷା କରିବା ଭଳି। ସେହି ସମୟରେ ମହିଳା ଜଣଙ୍କ ସଭିଁଙ୍କୁ ଆଶ୍ଚର୍ଯ୍ୟ କରାଇବା ସହ ନିଜ ପୋଷା କୁକୁରକୁ ଲକ୍ଷାଧିକ ଟଙ୍କାର ଦାମୀକିଆ ଜିନିଷ ଉପହାର ଦେଉଛନ୍ତି। ଭାଇରାଲ ହେଉଥିବା ଏହି ଭିଡିଓ ମୁମ୍ବଇର ବୋଲି କୁହାଯାଉଛି। ମହିଳା ଜଣଙ୍କ ନିଜ ପୋଷା କୁକୁରକୁ ୨.୫ ଲକ୍ଷ ଟଙ୍କାର ଚେନ୍ ଉପହାର ଦେଇଥିବା ନଜର ଆସିଛନ୍ତି। ଏହି ୩୫ ଗ୍ରାମର ସୁନା ଚେନ୍ ଦାମ୍ ୨.୫ ଲକ୍ଷରୁ ମଧ୍ୟ ଅଧିକ।
ଭିଡିଓ ଏବେ ଖୁବ୍ ଚର୍ଚ୍ଚାରେ ରହିଥିବା ସହ ଲୋକେ ଏହାକୁ ବେଶ ପସନ୍ଦ କରୁଛନ୍ତି। ଲୋକେ ଭିଡିଓକୁ ଦେଖି ନିଜର ଭିନ୍ନ ଭିନ୍ନ ମତ ଦେବା ସହ କହିଛନ୍ତି ଭାଗ୍ୟଶାଳୀ କୁକୁର। କେହି କେହି କହିଛନ୍ତି ନିଜ ପୋଷା କୁୁକୁର ପାଇଁ ଏଭଳି ଭଲ ପାଇବା କମ୍ ଦେଖିବାକୁ ମିଳେ।
Comments are closed.