ହରଭଙ୍ଗା: ବୌଦ୍ଧ ଜିଲ୍ଲା ଛତ୍ରଙ୍ଗ ପଞ୍ଚାୟତ କାର୍ୟ୍ୟଳୟ ପରିସରରେ ଜିଲ୍ଲା ଶ୍ରମବିଭାଗ ପକ୍ଷରୁ ଶ୍ରମିକଙ୍କ କାର୍ଡ ଯାଞ୍ଚ ପ୍ରକ୍ରିୟା ଅନୁଷ୍ଠିତ ହୋଇଯାଇଛି। ଏଥିରେ ଶ୍ରମିକଙ୍କ ନୂତନ କାର୍ଡ ପାଇଥିବା ଓ ପୁରାତନ କାର୍ଡର ନବୀକରଣ ଉପରେ ଯାଞ୍ଚ କରାଯିବା ସହ ଶ୍ରମିକଙ୍କୁ ସରକାରଙ୍କ ବିଭିନ୍ନ ସହାୟତା ରାଶି ଉପରେ ସଚେତନତା କରାଯାଇଥିଲା। ପରେ ଜିଲ୍ଲା ଶ୍ରମ ବିଭାଗର ଅଧିକାରୀ ମାନେ ବ୍ଲକର ଉପାନ୍ତ ଅଞ୍ଚଳ ପରିଦର୍ଶନରେ ପହଁଚି ସିଧାସଳଖ ଶ୍ରମିକଙ୍କ ସହ ଆଲୋଚନା କରିବା ଏବଂ ବିଭିନ୍ନ ସହାୟତା ରାଶି ଉପରେ ଶ୍ରମିକଙ୍କୁ ବୁଝାଇଥିଲେ। ଏହି କାର୍ୟ୍ୟକ୍ରମରେ ବୌଦ୍ଧ ଜିଲ୍ଲା ଶ୍ରମ ବିଭାଗର ସହକାରୀ ଶ୍ରମ ଅଧିକାରୀ ଜ୍ୟୋତି ରଞ୍ଜନ ବାରିକ, କନ୍ୟା କୁମାରୀ ସାହୁଙ୍କ ସମେତ କାଁହୁ ଚରଣ ମହାରଣା, ଶ୍ରମିକ ନେତା ଅଶୋକ ମିଶ୍ର, ଉପସ୍ଥିତ ଥିବା ବେଳେ ବ୍ଲକର ଆଡ଼େନିଗଡ଼, ତଳଗକ୍ଷ, ତିଲେଶ୍ଵର, ହରଭଙ୍ଗା, ଛତ୍ରଙ୍ଗ, ମହାଳିକ ପଡା, କୁସଙ୍ଗ, ସଂକୁଳେଇ, ଆଦି ବିଭିନ୍ନ ସ୍ଥାନରୁ ଶ୍ରମିକ ମାନେ ଯୋଗ ଦେଇଥିଲେ।
Popular Categories
Previous article
Next article