ପାଟନା: ଦୈନନ୍ଦିନ ଜୀବନରେ ମାଟିର ଉର୍ବରତା ଓ ଅମଳକ୍ଷମତାକୁ ଦୃଷ୍ଟିରେ ରଖି ବୈଜ୍ଞାନିକମାନେ କୃଷି ବିଜ୍ଞାନରେ ବ୍ୟାପକ ପରିବର୍ତ୍ତନ କରିଛନ୍ତି। ଏହି ପ୍ରକ୍ରିୟାରେ ବିହାରରେ ଏବେ ମାଟି ତଳେ ନୁହେଁ ଖୋଲା ଆକାଶରେ ଆଳୁ ଚାଷ କରି ଅଧିକ ଅମଳ କରିବା ପ୍ରକ୍ରିୟା ଆରମ୍ଭ ହୋଇଛି। ପାଟନାରେ ଥିବା ଆଳୁ ଗବେଷଣା କେନ୍ଦ୍ରରେ ଆଳୁର ଅଧିକ ଅମଳକୁ ନେଇ ନିରନ୍ତର ପ୍ରୟାସ ଚାଲିଛି। ମାଟି ତଳେ ଅମଳ ନକରି ଖୋଲା ଆକାଶ ତଳେ ଆଳୁ ଉତ୍ପାଦନ ପକ୍ରିୟାକୁ ‘ଏରୋପନିକ୍ସ ଏଗ୍ରିକଲଚରାଲ ଟେକନିକ’ ନାମରେ ନାମିତ କରାଯାଇଛି। ଏହି ପ୍ରକ୍ରିୟାରେ ମାଟିରେ ଚାଷ ନକରି ଫସଲକୁ ଏକ ବାକ୍ସରେ ରେ ଝୁଲାଇ ସେଥିରେ ଅମଳ କରାଯାଇ ଥାଏ। ଏହା ଦ୍ୱାରା ଉତ୍ପନ୍ନ ଗଛର ଉତ୍ପାଦନ କ୍ଷମତା ବୃଦ୍ଧି ପାଇଥାଏ। ଏହି ବାକ୍ସରେ ଗଛକୁ ଆବଶ୍ୟକ ହେଉଥିବା ସାର ପ୍ରଦାନ କରାଯାଇ ଥାଏ। ଏହାଦ୍ୱାରା ଗୋଟିଏ ଗଛରେ ୫ରୁ ୧୦ଟି ଆଳୁ ଉତ୍ପାଦନ ପରିବର୍ତ୍ତେ ୬୦ରୁ ୭୦ଟି ଆଳୁ ଅମଳ କରାଯାଇ ପାରୁଛି। ଇତିମଧ୍ୟରେ ବିହାରର ଷ୍ଟେଟ ସିଡ୍ ଆଣ୍ଡ ବାୟୋଲଜିକାଲ ସାର୍ଟିଫିକେସନ୍ ଏଜେନ୍ସି ଦ୍ୱାରା ନିର୍ମିତ ଗ୍ରୀନ ହାଉସରେ ଖୋଲା ଆକାଶ ତଳେ ଆଳୁ ଚାଷକୁ ନେଇ ଗବେଷଣା ବେଶ୍ ସଫଳ ହୋଇଛି।
Popular Categories
Previous article
Next article