ସମାଜ ଡିଜିଟାଲ ଡେସ୍କ: ଉତ୍ତରପ୍ରଦେଶ ହାତ୍ରାସରେ ଘଟିଥିବା ଦଳାଚକଟା ଘଟଣାର ୪ଦିନ ପରେ ମୁହଁ ଖୋଲିଛନ୍ତି ସଂପୃକ୍ତ ଭୋଲେ ବାବା ଓରଫ ସୁରଜପାଲ । ଏକ ଭିଡ଼ିଓରେ ହାତ୍ରାସ୍ ଘଟଣାରେ ପ୍ରତିକ୍ରିୟା ଦେଇ କହିଛନ୍ତି ଯେ ଜୁଲାଇ ୨ରେ ଘଟିଥିବା ଘଟଣାରେ ମୁଁ ଅତ୍ୟନ୍ତ ମର୍ମାହତ । ପୀଡିତଙ୍କ ପରିବାରକୁ ଏହି ଦୁଃଖରୁ ବାହାରିବା ପାଇଁ ଭଗବାନ ଶକ୍ତି ଦିଅନ୍ତୁ । ସମସ୍ତେ ସରକାର ଓ ପ୍ରଶାସନ ଉପରେ ଭରସା ରଖନ୍ତୁ । ମୋ ବିଶ୍ୱାସ ରହିଛି ଯେ ଯେଉଁମାନଙ୍କ ଭୁଲରୁ ଏଭଳି ଘଟଣା ଘଟିଲା ସେମାନଙ୍କୁ ଛଡାଯିବ ନାହିଁ । ମୁଁ ମୋ ଓକିଲଙ୍କ ସହ କମିଟି ସଦସ୍ୟଙ୍କ ସହ ଆଲୋଚନା କରିଛି ସେମାନେ ଶୋକସନ୍ତପ ପରିବାର ଏବଂ ଆହତଙ୍କ ସହ ଛିଡା ହେବେ । ଯାହା ସହାୟତା ଆବଶ୍ୟକ ହେବା ଜୀବନସାରା କରିବାକୁ ଅନୁରୋଧ କରିଛନ୍ତି ଭୋଲେ ବାବା । ସୂଚନା ଅନୁସାରେ ହାତ୍ରାସ୍ ଦଳାଚକଟା ଘଟଣାରେ ତଦନ୍ତ କରୁଛି ଏସଆଇଟି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଏସଆଇଟିର ପ୍ରାଥମିକ ରିପୋର୍ଟ ସମ୍ପର୍କରେ ସୂଚନା ଦିଆଯାଇଛି ।
Comments are closed.