ନୂଆଦିଲ୍ଲୀ : ଚଳିତ ସପ୍ତାହରେ ସିଟ୍ରୋଏନ୍ ଇଣ୍ଡିଆ ଦେଶରେ ସି୩ ଏୟାରକ୍ରସ୍ ଧୋନୀ ଏଡିଶନ୍ ଲଞ୍ଚ୍ କରିଥିଲା । ଏହାର ଦାମ୍ ୧୧.୮୨ ଲକ୍ଷ ଟଙ୍କା(ଏକ୍ସ-ଶୋରୁମ୍)ରୁ ଆରମ୍ଭ ହେଉଛି । ଏହି ଖାସ୍ ଭେରିଏଣ୍ଟର ବୁକିଂ ୧୮ ଜୁନରୁ ଆରମ୍ଭ ହୋଇଥିଲା ଏବଂ ଧିରେ ଧିରେ ଦେଶର ସ୍ଥାନୀୟ ଡିଲରସିପରେ ପହଞ୍ଚିବାରେ ଲାଗିଛି । ଖୁବ୍ ଶୀଘ୍ର ଏହାର ଡେଲିଭରୀ ମଧ୍ୟ ଆରମ୍ଭ ହେବ । ସାରା ଦେଶରେ ଏହାର ୧୦୦ ୟୁନିଟ୍ ବିକ୍ରି କରାଯିବ ।
ସି୩ ଏୟାରକ୍ରସ୍ ଧୋନୀ ଏଡିଶନର କେବଳ ୧୦୦ ୟୁନିଟ୍ ହିଁ ଦେଶରେ ବିକ୍ରି ପାଇଁ ଉପଲବ୍ଧ ହେବ । ୨୦୨୪ ସିଥ୍ରୀ ଏୟରକ୍ରସ୍ ଧୋନୀ ଏଡିଶନରେ ଗ୍ଲୋବବକ୍ସରେ ଧୋନୀ-ଥିମ୍ ବିଶିଷ୍ଟ ଜିନିଷ ମିଳିବ ଏବଂ ବଛା ବଛା କିଛି ଗ୍ରାହକଙ୍କୁ ଧୋନୀଙ୍କ ସିଗ୍ନେଚର ହୋଇଥିବା ଗ୍ଲୋବ୍ସ ଜିତିବାର ସୁଯୋଗ ମିଳିବ ।
ସିଟ୍ରୋଏନ୍ ସି୩ ଏୟରକ୍ରସ୍ ଧୋନୀ ଏଡିଶନରେ ୧.୨ ଲିଟର ୩ ସିଲିଣ୍ଡର ଟର୍ବୋ ପେଟ୍ରୋଲ ଇଞ୍ଜିନ୍ ମିଳୁଛି । ଏଥିରେ ୬ ସ୍ପିଡ୍ ମାନୁଆଲ୍ ବା ୬ ସ୍ପିଡ୍ ଅଟୋମେଟିକ୍ ଟ୍ରାନ୍ସମିଶନ ମିଳେ ଯାହା ଯଥାକ୍ରମେ ୧୦୯ ବିଏଚପି/୧୯୦ ଏନଏମ୍ ଏବଂ ୧୦୯ ବିଏଚପି/୨୦୫ ଏନଏମର ପାଓ୍ବର ଜେନେରେଟ୍ କରିବାରେ ସକ୍ଷମ । ଏହାର ଡୋରରେ ଧୋନୀ ଏଡିଶନ ଗ୍ରାଫିକ୍ସ ମଧ୍ୟ ମିଳିବ । ଗାଡି ପଛରେ ଧୋନୀଙ୍କ ଜର୍ସି ନମ୍ବର ଦର୍ଶାଇବା ପାଇଁ ‘୭’ ଲେଖାଯାଇଛି ।
