ଡେସ୍କ: ୨୦୨୪-୨୫ ଶିକ୍ଷାବର୍ଷ ନିମନ୍ତେ ଗୋପବନ୍ଧୁ ଆୟୁର୍ବିଜ୍ଞାନ ଗବେଷଣା ସଂସ୍ଥାନ (ଜିମସାର)ର ନର୍ସିଂ ବିଦ୍ୟାଳୟ ଓ ମହାବିଦ୍ୟାଳୟରେ ବିଭିନ୍ନ ପାଠ୍ୟକ୍ରମରେ ନାମ ଲେଖାଇବା ନିମନ୍ତେ ଆବେଦନ ଲାଗି ବିଜ୍ଞପ୍ତି ପ୍ରକାଶ ପାଇଛି। କଟକ ଜିଲ୍ଲା ଆଠଗଡ଼ର ମାଧବପୁର ସ୍ଥିତ ଏହି ପ୍ରତିଷ୍ଠାନରେ ଆଗ୍ରହୀ ଛାତ୍ରଛାତ୍ରୀମାନେ ୫ଟି ପାଠ୍ୟକ୍ରମ ପାଇଁ ଆବେଦନ କରିପାରିବେ।
୨ ବର୍ଷିଆ ଅବଧି ବିଶିଷ୍ଟ ଏମଏସସି ନର୍ସିଂ ପାଇଁ ଆବେଦନକାରୀ ବିଏସସି ନର୍ସିଂରେ ଉତ୍ତୀର୍ଣ୍ଣ ହେବା ସହ ୧ ବର୍ଷର ଅଭିଜ୍ଞତା ହାସଲ କରିଥିବା ଆବଶ୍ୟକ। ସେହିପରି ୨ ବର୍ଷିଆ ପୋଷ୍ଟ ବେସିକ ବିଏସସି ନର୍ସିଂ ପାଠ୍ୟକ୍ରମ ପାଇଁ ଜିଏନଏମ ଓ ୪ ବର୍ଷିଆ ବିଏସସି ନର୍ସିଂ ପାଇଁ ଆବେଦନକାରୀ +୨ ବିଜ୍ଞାନରେ ଉତ୍ତୀର୍ଣ ହୋଇଥିବା ଜରୁରୀ। ବିଏସସି ନର୍ସିଂ ପାଇଁ ଆବେଦନକାରୀ ଯୁକ୍ତ ଦୁଇ ବିଜ୍ଞାନରେ ଫିଜିକ୍ସ, କେମିଷ୍ଟ୍ରି ଓ ବାୟୋଲୋଜି ବିଷୟ ସହ ୪୫% ମାର୍କ ଏବଂ ତଫସିଲଭୁକ୍ତ ଜାତି ଓ ଜନଜାତି ପ୍ରାର୍ଥୀଙ୍କ ପାଇଁ ୪୦% ମାର୍କ ରଖାଯାଇଛି।
୩ ବର୍ଷିଆ ଜିଏନଏମ ପାଠ୍ୟକ୍ରମ ପାଇଁ ୪୦% ମାର୍କ ସହ +୨ ଉତ୍ତୀର୍ଣ୍ଣ ହୋଇଥିବା ଆବଶ୍ୟକ। ତଫସିଲଭୁକ୍ତ ଜାତି ଓ ଜନଜାତି ପ୍ରାର୍ଥୀଙ୍କ ପାଇଁ ୩୫% ମାର୍କ ରଖାଯାଇଛି। ୨ ବର୍ଷିଆ ଏଏନଏମ ପାଠ୍ୟକ୍ରମ ପାଇଁ +୨ ଉତ୍ତୀର୍ଣ୍ଣ ହୋଇଥିବା ଆବଶ୍ୟକ। ତଫସିଲଭୁକ୍ତ ଜାତି ଓ ଜନଜାତି ପ୍ରାର୍ଥୀଙ୍କ ପାଇଁ ୩୫% ମାର୍କ ରଖାଯାଇଛି। ଅଧିକ ସୂଚନା ପାଇଁ ଛାତ୍ରଛାତ୍ରୀ ମାନେ ଗୋପବନ୍ଧୁ ଆୟୁର୍ବିଜ୍ଞାନ ଓ ଗବେଷଣା ପ୍ରତିଷ୍ଠାନର https://gimsar.in/ ୱେବସାଇଟ କିମ୍ବା ମୋବାଇଲ ନମ୍ବର ୮୬୩୭୨୯୧୩୦୪ ଓ ୯୩୪୮୬୫୯୭୯୨ରେ ଯୋଗାଯୋଗ କରିପାରିବେ।
