ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ସ୍ଥିତ ଏକ ଢ଼ାବା ନିକଟରେ ଏକ ସିଟି ବସ ଭାରସାମ୍ୟ ହରାଇ ଇଲେକ୍ଟ୍ରିକ୍ ଖୁଣ୍ଟକୁ ଧକ୍କା ଦେବାରୁ ଡ୍ରାଇଭର ଓ ଜଣେ ଯାତ୍ରୀ ସାମାନ୍ୟ ଆହତ ହୋଇଥିବା ଜଣାପଡ଼ିଛି । ସୂଚନା ପ୍ରକାରେ ଆଜି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ବ୍ରହ୍ମପୁରଠାରୁ ଗୋପାଳପୁର ଅଭିମୁଖେ ଏକ ସିଟି ବସ ନମ୍ବର ଓଡ଼ି ୦୭ ଡି ୩୩୧୨ ଗାଡ଼ିଟି ଯାତ୍ରୀଙ୍କୁ ନେଇ ଯାଉଥିବାବେଳେ ରାମଚନ୍ଦ୍ରପୁର ସ୍ଥିତ ଏକ ଢ଼ାବା ନିକଟରେ ଭାରସାମ୍ୟ ହରାଇ ଖୁଣ୍ଟକୁ ଧକ୍କା ଦେଇଥିଲା । ଫଳରେ ସେଥିରେ ଥିବା ସମସ୍ତ ଯାତ୍ରୀ ସୁରକ୍ଷିତ ରହିଥିବାବେଳେ ଡ୍ରାଇଭର ଓ ଜଣେ ଯାତ୍ରୀ ସାମାନ୍ୟ ଆହତ ହୋଇଥିବା ଜଣାପଡ଼ିଛି । ଖବର ପାଇ ଭଞ୍ଜବିହାର ଫାଣ୍ଡି ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିବା ଜଣାପଡ଼ିଛି । ଅନ୍ୟପଟେ ବସ ଗୁଡ଼ିକରେ ନିର୍ଦ୍ଧାରିତ ସଂଖ୍ୟକ ଯାତ୍ରୀ ବଦଳରେ ଅଧିକ ସଂଖ୍ୟକ ଯାତ୍ରୀ ପରିବହନ ସହ ଦ୍ରୁତ ଗତିରେ ଗାଡି ଚାଳନା ଯୋଗୁଁ ଅନେକ ସମୟରେ ସିଟି ବସ୍ ଗୁଡିକ ଦୁର୍ଘଟଣା ଗ୍ରସ୍ତ ହୋଇଥାଏ।
Popular Categories
Previous article
Next article