ନୂଆଦିଲ୍ଲୀ : ମ୍ୟାକ୍ସଭୋଲ୍ଟ ଏନର୍ଜି ଇଣ୍ଡଷ୍ଟ୍ରିଜ୍ ଅନେକ ନିବେଶକଙ୍କଠୁ ୧୨ କୋଟି ଟଙ୍କା ପୁଞ୍ଜି ଏକାଠି କରିଛି । ଏହି ଷ୍ଟାର୍ଟଅପ୍ ଇଲେକ୍ଟ୍ରିକ୍ ଗାଡି ଏବଂ ଚିକିତ୍ସା ଉପକରଣ ପାଇଁ ଲିଥିୟମ୍ ବ୍ୟାଟେରୀ ପ୍ୟାକ୍ ପ୍ରସ୍ତୁତ କରି ସପ୍ଲାଇ କରିଥାଏ । ଏହି ପୁଞ୍ଜିରେ ଶକ୍ତି ସମାଧାନକୁ ଆଗକୁ ବଢାଇବାରେ ସାହାଯ୍ୟ ମିଳିବ । କେବଳ ଏତିକି ନୁହେଁ, ଏଥିରେ ମ୍ୟାକ୍ସଭୋଲ୍ଟ ଏନର୍ଜିର ଖୁବ୍ ଶୀଘ୍ର ଚାର୍ଜ ହେଉଥିବା ଲିଥିୟମ୍ ଆୟନ ବ୍ୟାଟେରୀ ଆଣି ନିଜ ବଜାର ସ୍ଥିତିକୁ ମଜଭୁତ କରିବା ପାଇଁ ଯୋଜନାକୁ ସମର୍ଥନ ମିଳିବ ।
କମ୍ପାନୀ କହିଛି କି ଏହି ପୁଞ୍ଜି ଦର୍ଶାଉଛି କି ଆମ ବ୍ୟବସାୟ ମଡେଲରେ ଆମ ନିବେଶକଙ୍କୁ କେତେ ଭରସା ରହିଛି । ମ୍ୟାକ୍ସଭୋଲ୍ଟ ଅତ୍ୟାଧୁନିକ ଲିଥିୟମ୍-ଆଧାରିତ ବ୍ୟାଟେରୀ ମାଧ୍ୟମରେ ଇକୋ-ଫ୍ରେଣ୍ଡଲି ସଲ୍ୟୁସନ ଯୋଗାଇଦେବା ପାଇଁ ପ୍ରତିବଦ୍ଧ । କମ୍ପାନୀ କହିଛି କି ସେ ଏକ ଫାଷ୍ଟ ଚାର୍ଜିଂ ସମାଧାନ ବିକଶିତ କରୁଛି ଯାହା ଗ୍ରାହକଙ୍କ ଚାର୍ଜିଂ ସମୟକୁ କମ୍ କରିବାରେ ସାହାଯ୍ୟ କରିବ । ପ୍ରଥମ ପର୍ଯ୍ୟାୟରେ ଆମେ ଚାର୍ଜିଂ ସମୟକୁ ୨ ଘଣ୍ଟା ଏବଂ ପରେ ଏହାକୁ ୧ ଘଣ୍ଟା ପର୍ଯ୍ୟନ୍ତ କମ୍ କରିଦେବୁ ବୋଲି କହିଛି କମ୍ପାନୀ । କମ୍ପାନୀ ଏହା ମଧ୍ୟ ସୂଚନା ଦେଇଛି କି ଏହି ନିବେଶ କମ୍ପାନୀର ଅନୁସନ୍ଧାନ ଏବଂ ବିକାଶ ପ୍ରୟାସକୁ ଗତି ଦେବା ସହ ଉତ୍ପାଦନ କ୍ଷମତା ବୃଦ୍ଧି କରିବ ।
