ମୁମ୍ବଇ: ଦୀପିକା ପାଦୁକୋନ ଇନଷ୍ଟାଗ୍ରାମରେ ଏକ ସୁନ୍ଦର ଫଟୋ ଶେୟାର କରିଥିଲେ, ଯେଉଁଥିରେ ସେ ହଳଦିଆ ରଙ୍ଗର ଗାଉନ୍ରେ ନଜର ଆସିଥିଲେ। ତାଙ୍କ ପୋଷାକ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରିଥିଲା, କାରଣ ସେଥିରେ ସେ ତାଙ୍କ ବେବି ବମ୍ପ ଫ୍ଲଣ୍ଟ କରୁଥିବା ନଜର ଆସିଥିଲେ। ଇତି ମଧ୍ୟରେ ସେ ପ୍ରଶଂସକଙ୍କୁ ଇନଷ୍ଟାଗ୍ରାମ ଜରିଆରେ ଏକ ଖୁସି ଖବର ଦେଇଛନ୍ତି ଯେ ସେ ପିନ୍ଧିଥିବା ଗାଉନ୍ ନିଲାମ ହୋଇଯାଇଛି। ଏହା ବ୍ୟତୀତ ଏହି ଗାଉନ୍ ପାଇଁ ମିଳିଥିବା ମୂଲ୍ୟକୁ ସେ ଦାନ କରିବେ ବୋଲି ମଧ୍ୟ ସୂଚନା ଦେଇଛନ୍ତି।
ଦୀପିକା ପାଦୁକୋନ ନିକଟରେ 82°E ନାମକ ବ୍ୟୁଟି ବ୍ରାଣ୍ଡର ଏକ କାର୍ଯ୍ୟକ୍ରମରେ ହଳଦିଆ ରଙ୍ଗର ଗାଉନ୍ ପିନ୍ଧିଥିଲେ, ଯେଉଁଥିରେ ସେ ତାଙ୍କ ବେବି ବମ୍ପ ଫ୍ଲଣ୍ଟ କରୁଥିବା ଦେଖିବାକୁ ମିଳିଥିଲା। ଏହି ଗାଉନ୍କୁ ଅଭିନେତ୍ରୀ ୩୪ ହଜାର ଟଙ୍କାରେ ବିକ୍ରି କରି ଦେଇଛନ୍ତି। ଇନ୍ଷ୍ଟା ଷ୍ଟୋରୀ ଜରିଆରେ ଅଭିନେତ୍ରୀ କହିଛନ୍ତି ଯେ, ସେ ଏହି ଟଙ୍କାକୁ ଦାନ କରିବେ। ଦୀପିକାଙ୍କ ଏହି ଗାଉନ୍ ପୋଷ୍ଟ ଶେୟାର କରିବାର ୨୦ ମିନିଟ୍ ମଧ୍ୟରେ ବିକ୍ରି ହୋଇଯାଇଛି।
ବର୍ଷ ଆରମ୍ଭରେ ଦୀପିକା ଗର୍ଭବତୀ ଥିବା ନେଇ ଘୋଷଣା କରିଥିଲେ। ସ୍ଵାମୀ ରଣବୀର ସିଂହଙ୍କ ସହ ମିଶି ସେ ଏହି ଖୁସି ଖବର ଶେୟାର କରିଥିଲେ। ଏଥିସହ କହିଥିଲେ ଯେ, ସେପ୍ଟେମ୍ବର ମାସରେ ସେ ଶିଶୁକୁ ଜନ୍ମ ଦେବାକୁ ଯାଉଛନ୍ତି।
