ମନ୍ଦିର ହୁଣ୍ଡି ଭାଙ୍ଗି ଚୋରି ଅଭିଯୋଗ

ପିପିଲି : ପିପିଲି ନିକଟବର୍ତ୍ତି ମାଳିବରାହୀ ଗ୍ରାମର ଆରାଧ୍ୟ ଦେବୀ ମା’ ଉତ୍ତରେଶ୍ୱରୀ ଠାକୁରାଣୀଙ୍କ ମନ୍ଦିରର ଦାନବାକ୍ସକୁ ସୋମବାର ବିଳମ୍ବିତ ରାତିରେ କେହି ଦୁର୍ବୃତ୍ତ ଭାଙ୍ଗି ତା’ ମଧ୍ୟରେ ଥିବା ଦାନଅର୍ଥକୁ ଚୋରି କରି ନେଇଥିବା ସୂଚନା ମିଳିଛି। ଭୁବନେଶ୍ୱର-ପୁରୀ ଜାତୀୟ ରାଜପଥ କଡରେ ଅବସ୍ଥିତ ଏହି ପୁରାତନ ମନ୍ଦିର ପରିସରରେ ଥିବା ଲୁହାର ଦାନବାକ୍ସ ଭଙ୍ଗା ଯାଇଥିବାର ମଙ୍ଗଳବାର ସକାଳେ ସ୍ଥାନୀୟ ଅଧିବାସୀମାନେ ଦେଖିବା ପରେ ଚୋରି ହୋଇଥିବା ଜଣାପଡିଥିଲା। ଏ ସଂପର୍କରେ ଗ୍ରାମବାସୀମାନେ ପିପିଲି ପୁଲିସରେ ଲିଖିତ ଅଭିଯୋଗ କରିଥିବା ବେଳେ ପୁଲିସ ଘଟଣାର ତଦନ୍ତ ଚଳାଇଛି। ଦାନବାକ୍ସ ମଧ୍ୟରୁ ୨୦ରୁ ୩୦ ହଜାର ଟଙ୍କା ଚୋରି ହୋଇଥିବା ସଂପର୍କରେ ପୁଲିସରେ ଅଭିଯୋଗ ହୋଇଛି। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି।

ସୂର୍ଯ୍ୟଙ୍କ ରାଶି ପରିବର୍ତ୍ତନ ; ଏହି ରାଶିଙ୍କ ଖୋଲି ଯିବ ଭାଗ୍ୟ, ଦରମାରେ ବୃଦ୍ଧି, ମିଳିବ ଚାକିରି..