ନୂଆଦିଲ୍ଲୀ: ମଙ୍ଗଳବାର ମଧ୍ୟପ୍ରଦେଶରେ ୨୦୨୪ ଲୋକସଭା ନିର୍ବାଚନ ପାଇଁ ୩ୟ ପର୍ଯ୍ୟାୟ ମତଦାନ ଶେଷ ହୋଇଛି। ଭୋଟିଂ ଶେଷ ହେବା ପରେ ବେତୁଲରେ ବଡ ଅଘଟଣ ଘଟିଛି। ମତଦାନ ପରେ ଇଭିଏମ ମେସିନ୍ ଏବଂ ପୋଲିଂ କର୍ମଚାରୀଙ୍କୁ ନେଇ ଫେରିବା ବେଳେ ହଠାତ୍ ବସରେ ନିଆଁ ଲାଗିଯାଇଥିଲା। ଏହି ବସ୍ ବେତୁଲ ଜିଲ୍ଲାର ୬ଟି ମତଦାନ କେନ୍ଦ୍ରରୁ ଭୋଟ୍ ସାମଗ୍ରୀ ନେଇ ଫେରୁଥିଲା। ନିଆଁ ଲାଗି ୪ଟି ମତଦାନ କେନ୍ଦ୍ରର ଭୋଟ୍ ସାମଗ୍ରୀ ପୋଡି ନଷ୍ଟ ହୋଇଯାଇଥିବାବେଳେ ଅନ୍ୟ ଦୁଇଟିର ସୁରକ୍ଷିତ ରହିଛି। ଅଗ୍ନିଶମବାହିନୀ କର୍ମଚାରୀ ମାନେ ଖବର ପାଇ ଘଟଣାସ୍ଥଳରେ ପହଞ୍ଚିବା ବେଳକୁ ବସଟି ସମ୍ପୂର୍ଣ୍ଣ ଜଳି ପୋଡି ପାଉଁଶ ହୋଇସାରିଥିଲା। ଦୁର୍ଘଟଣାରେ ସମସ୍ତ କର୍ମଚାରୀ ଏବଂ ବସ୍ ଡ୍ରାଇଭର ସୁରକ୍ଷିତ ଥିବା ଜଣାପଡିଛି। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Popular Categories
Previous article
Next article