ନନ୍ଦପୁର: କୋରାପୁଟ ଜିଲା ନନ୍ଦପୁର ବ୍ଲକ ଦେଇ ଯାଇଥିବା ବିଶାଖାପାଟଣା-କିରାଣ୍ଡୁଳ ସଂଯୋଗ କରୁଥିବା କେ.କେ ରେଳପଥର ପାଡୁଆ ଷ୍ଟେସନ ନିକଟରେ ଗୁରୁବାର କେଭିଏଲ୍ ୪୦/୬୯ ନମ୍ବର ବିଶିଷ୍ଟ ମାଲଗାଡ଼ି ଲାଇନଚୁତ୍ୟ ହୋଇଛି। ମାଲଗାଡ଼ିର ଦୁଇଗୋଟି ବଗି ଓଲଟି ରେଳ ଧାରଣା ବାହାରେ ପଡ଼ି ରହିଛି। ଫଳତଃ ରେଳ ଚଳାଚଳ ବାଧାପ୍ରାପ୍ତ ହୋଇଛି। କୋରାପୁଟ ଓ ବିଶାଖାପାଟଣାରୁ ଉଦ୍ଧାରକାରୀ ଦଳ ଘଟଣାସ୍ଥଳ ଅଭିମୁଖେ ବାହାରିଥିବା ପାଡୁଆ ଷ୍ଟେସନ ମାଷ୍ଟର ସୂଚନା ଦେଇଛନ୍ତି।
ପ୍ରାରମ୍ଭିକ ସୂଚନା ମୁତାବକ, ମାଲଗାଡିରେ ଆଇରନ ଓର ବୋଝେଇ ହୋଇ ରହିଥିଲା। ମାଲଗାଡିଟି ବିଶାଖାପାଟଣା ଅଭିମୁଖେ ଯାଉଥିଲା। ଦୁଇ ଗୋଟି ବଗି ଓଲଟି ପଡ଼ିଥିଲେ ମଧ୍ୟ କେବଳ ରେଳ ଧାରଣାର ଅଳ୍ପ କ୍ଷତି ହୋଇଛି। ଉଦ୍ଧାରକାରୀ ଦଳ ପହଞ୍ଚିବା ପରେ ରେଳ ଧାରଣାରୁ ଓଲଟିଥିବା ବଗିକୁ ହଟାଇ ରେଳ ଚଳାଚଳ ସ୍ବାଭାବିକ କରାଯିବ ବୋଲି ରେଳବାଇ ଗୁଇନ୍ଦା ଅଧିକାରୀ ଡି ବାଗ ସୂଚନା ଦେଇଛନ୍ତି।
