ଗୋପାଳପୁର: ଗୋଳନ୍ଥରା ଥାନା ଅଧୀନସ୍ଥ ଦାସପୁର ଛକରେ ଗତ ୧୭ ତାରିଖ ଦିନ ଦୁଇ ମୋଟରସାଇକେଲ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଗୋଳନ୍ଥରା ଗାଁର ନିରାକାର ଦାସ ଓ ସୟନ ଦାସ ନାମକ ଦୁଇ ଯୁବକଙ୍କ ମୃତ୍ୟୁ ଘଟିଥିବା ବେଳେ ସନ୍ତୋଷ ଦାସ ଆହତ ହୋଇଥିଲେ।
ବ୍ରହ୍ମପୁର ବିଧାୟକ ତଥା ଗୋପାଳପୁର ନିର୍ବାଚନ ମଣ୍ଡଳୀ ବିଧାୟକ ପାର୍ଥୀ ବିକ୍ରମ କୁମାର ପଣ୍ଡା ଗୋଳନ୍ଥରାରେ ମୃତକଙ୍କ ପରିବାର ବର୍ଗଙ୍କୁ ଭେଟି ସମବେଦନା ଜଣେଇବା ସହ ୧ ଲକ୍ଷ ଲେଖାଏଁ ଦୁଇ ମୃତକ ପରିବାରକୁ ପ୍ରଦାନ କରିବା ସହ ଦୁର୍ଘଟଣାରେ ଆହତ ହୋଇଥିବା ସନ୍ତୋଷ ଦାସଙ୍କୁ କୋଡିଏ ହଜ।ର ଟଙ୍କା ଆର୍ଥିକ ସହାୟତା ପ୍ରଦାନ କରିଥିଲେ। ଏଥି ସହ ଆଗାମୀ ଦିନରେ ସେମାନଙ୍କ ପିଲା ମାନଙ୍କ ପାଠ ପଢା ଦାୟିତ୍ୱ ନେବା ସହ ସମସ୍ତ ପ୍ରକାର ସରକାରୀ ସାହାଯ୍ୟ କରେଇ ଦେବା ପାଇଁ ପ୍ରତିଶୃତି ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ବ୍ଲକ ସଭାପତି ଅଜିତ କୁମାର ଦାଶ, ଜିଲ୍ଲା ପରିଷଦ ଉପାଧ୍ୟକ୍ଷା ଏସ. ରାଜେଶ୍ୱରୀ ଦୋରା, ଯୁବ ସମାଜସେବୀ ଏ. ସନ୍ତୋଷ ପାତ୍ର, ଯୁବନେତା ସୁଭାଶିଷ ସାହୁ, ବ୍ଲକ ଅଧକ୍ଷା ପ୍ରତିନିଧି ସି. ଏଚ ନରେଶ, ସମିତି ସଭ୍ୟ ଆଶିଷ ରାଉଳ, ସନ୍ତୋଷ ପ୍ରଧାନ ଡି. ଶୋଭା ପାତ୍ର ପ୍ରମୁଖ ଉପସ୍ଥିତ ଥିଲେ।
