ଧାମରା : ଧାମରା +୨ ବିଦ୍ୟାଳୟରେ ଏଡସ ସଚେତନତା ଏବଂ ପ୍ରାଥମିକ ଉପଚାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆଜି ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ପ୍ରଭାତ କୁମାର ଦାସ ପୌରୋହିତ୍ୟ କରିଥିଲେ। ଏଡସ ହୋଇଥିବା ବ୍ୟକ୍ତି ବିଶେଷଙ୍କୁ କିପରି ସ୍ୱାସ୍ଥ୍ୟ ସେବା ଯୋଗାଇବା ସହ ଏହି ଏଡସ ବିଷୟରେ ଜନସଚେତନତା କରାଯାଇ ପାରିଲେ ସମସ୍ତ ଜନସାଧାରଣ ଏହି ରୋଗରୁ ରକ୍ଷା ପାଇ ପାରିବେ ସେ ବିଷୟରେ ନିଜ ନିଜର ବକ୍ତବ୍ୟ ରଖିଥିଲେ। ଏହି ସଚେତନତା କାର୍ଯ୍ୟକ୍ରମ ମାଧ୍ୟମରେ ଏକ ଶୋଭାଯାତ୍ରା ବାହାରି ଧାମରା, ଜାଗୁଳା ପଂଚାୟତ ଅତିକ୍ରମ କରିବା ସହ ସାଧାରଣ ଜନତାଙ୍କୁ ଏହି ବିଷୟରେ ସଚେତନ କରାଇଥିଲେ।
ଆଜିର ଏହି କାର୍ଯ୍ୟକ୍ରମରେ ଅଧ୍ୟାପକ ରାଜେନ୍ଦ୍ର ନାରାୟଣ ରାଉତ, ମନୋରଞନ ମଲିକ, ମହିମା ପଲେଇ, ଜ୍ୟୋତି ବାରିକ, ଜଗନ୍ନାଥ ଦାସ, ପ୍ରମୁଖ ଉପସ୍ଥିତ ରହି ଏଡସ ସଚେତନତା ଉପରେ ନିଜ ନିଜର ବକ୍ତବ୍ୟ ରଖିବା ସହ ବହୁ ଉପାଦେୟ ତଥ୍ୟ ପ୍ରଦାନ କରିଥିଲେ। ରେଡ ରିବନ କମିଟି ର କାଉନସିଲର ଲକ୍ଷ୍ମୀଧର ବେହେରା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ରାଜେନ୍ଦ୍ର ନାରାୟଣ ରାଉତ ଧନ୍ୟବାଦ ଅର୍ପଣ କରିଥିଲେ।
Comments are closed.