ଭୁବନେଶ୍ବର: ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନିକିଆ ଗସ୍ତରେ ସୁରଟ ଯାଇଛନ୍ତି । ସୁରଟରେ ଆୟୋଜିତ ଥିବା ଓଡ଼ିଆ ମହୋତ୍ସବ ୨୦୧୮ରେ ମୁଖ୍ୟମନ୍ତ୍ରୀ ଯୋଗ ଦେଇ ସେଠାରେ ରହୁଥିବା ପ୍ରାୟ ୭ ଲକ୍ଷ ପ୍ରବାସୀ ଓଡ଼ିଆଙ୍କୁ ଉଦ୍ବୋଧନ ଦେବେ । ମୁଖ୍ୟମନ୍ତ୍ରୀଙ୍କ ଗସ୍ତକୁ ନଜରରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ମୁଖ୍ୟମନ୍ତ୍ରୀଙ୍କ ସୁରାଟ ଗସ୍ତକୁ ବିରୋଧି ଦଳ ସମାଲୋଚନା କରିଛନ୍ତି । ଭୋଟ ହାତେଇବା ପାଇଁ ମୁଖ୍ୟମନ୍ତ୍ରୀ ସୁରାଟ ଯାଇଛନ୍ତି ବୋଲି କଂଗ୍ରେସ ସେଲ ମୁଖ୍ୟ ସତ୍ୟ ନାୟକ କହିଛନ୍ତି । ଷ୍ଟାର ମାନଙ୍କୁ ନେଇ ଉତ୍ସବ ମନାଇବାକୁ ମୁଖ୍ୟମନ୍ତ୍ରୀ ସୁରଟ ଯାଇଛନ୍ତି । ଚିଟଫଣ୍ଡରେ ସୁରଟରେ ରହୁଥିବା ଓହିଶା ଲୋକ ଟଙ୍କା ହରାଇଛନ୍ତି । ସେହି ଟଙ୍କା ଫେରାଇ ମୁଖ୍ୟମନ୍ତ୍ରୀ ସୁରଟ ଯାଇଥିଲେ ଭଲ ହୋଇଥାଆନ୍ତା ବୋଲି ବିରୋଧି କହିଛନ୍ତି ।
