ଗୁଜୁରାଟ ଠାରୁ ୬ରନରେ ହାରିଲା ମୁମ୍ବଇ

ମୁମ୍ବଇ: ଆଇପିଏଲ ୨୦୨୪ର ପ୍ରଥମ ମ୍ୟାଚରେ ଗୁଜୁରାଟ ଟାଇଟନ୍ସ ଠାରୁ ୬ରନରେ ପରାଜୟ ହୋଇଛି ମୁମ୍ବଇ । ଅହମ୍ମଦାବାଦରେ ଖେଳାଯାଇଥିବା ଏହି ମ୍ୟାଚକୁ ଜିତିବା ପାଇଁ ମୁମ୍ବଇ ହାତରେ ସୁଯୋଗ ରହିଥିଲା । କିନ୍ତୁ ପରେ ଦଳ ପରାଜିତ ହୋଇଥିଲା । ଗୁଜରାଟ ଟାଇଟନ୍ସ ୨୦ ଓଭରରେ ୱିକେଟ ହରାଇ ୧୬୮ ରନ କରିଥିଲା । ଅଧିନାୟକ ଗିଲ୍‍ ୩୧ ରନ, ସାଇ ସୁଦର୍ଶନ ୪୫ ରନ୍‍ କରିଥିଲେ । ମୁମ୍ବଇ ପକ୍ଷରୁ ଯଶପ୍ରୀତ ବୁମରା ୧୪ରନରେ ୩ଟି ୱିକେଟ ନେଇଥିଲେ । ମୁମ୍ବଇ ଶେଷ ଓଭର ପର୍ଯ୍ୟନ୍ତ ଲଢେଇ କରି ୯ୱିକେଟରେ ୧୬୨ରନ କରିପାରିଥିଲା । ନୂତନ ଅଧିନାୟକ ହେବା ପରେ ହାର୍ଦ୍ଦିକଙ୍କ ଏହା ଥିଲା ପ୍ରଥମ ମ୍ୟାଚ । ପୂର୍ବରୁ ହାର୍ଦ୍ଦିକ ପାଣ୍ଡ୍ୟା ଗୁଜରାଟ ଟାଇଟନ୍ସର ଅଧିନାୟକ ଥିଲେ ।
ସେହିପରି ପ୍ରଥମ ମ୍ୟାଚରେ ଲକ୍ଷ୍ନୌ ସୁପର ଜିଆଣ୍ଟସକୁ ୨୦ରନରେ ହରାଇଥିଲା ରାଜସ୍ଥାନ ରୟାଲସ୍‍ । ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲସ ୪ୱିକେଟ ହରାଇ ୧୯୩ରନ କରିଥିଲା । ଅଧିନାୟକ ୱିକେଟ କିପର ସଞ୍ଜୁ ସାମସନ ୫୨ବଲରେ ୩ଟି ଚୌକା ଓ ୬ଟି ଛକା ସହ ୮୨, ରିୟାନ ପରାଗ ୪୩ରନ କରିଥିଲେ । ଜବାବରେ ଲକ୍ଷ୍ନୌ ୬ୱିକେଟରେ ୧୪୩ରନ ହିଁ କରିପାରିଥିଲା । ସଞ୍ଜୁ ସାମସନ ପ୍ଲେୟାର ଅଫ ଦ ମ୍ୟାଚ ହୋଇଛନ୍ତି ।