ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଂସ୍ଥାକୁ ବଡ ସଫଳତା ମିଳିଛି । ଇସ୍ରୋ ପୁନଃ ବ୍ୟବହାର ଯୋଗ୍ୟ ଲଞ୍ଚ ଯାନ ପ୍ରଯୁକ୍ତିର ସଫଳ ପରୀକ୍ଷଣ କରିବାରେ ବଡ ଉପଲବ୍ଧି ହାସଲ କରିଛି । ଏହି ଯାନର ନାଁ ‘ପୁଷ୍ପକ’ ରଖାଯାଇଛି । ଇସ୍ରୋ ଅଧ୍ୟକ୍ଷ ଏସ.ସୋମନାଥଙ୍କ ସହିତ ଅନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଶୁକ୍ରବାର ସକାଳ ୭ଟା ୧୦ମିନିଟରେ କର୍ଣ୍ଣାଟକର ଚିତ୍ରଦୁର୍ଗର ଏରୋନଟିକାଲ୍ ଟେଷ୍ଟ ରେଞ୍ଜର ରନୱେରେ ପୁଷ୍ପକ ସଫଳତା ପୂର୍ବକ ଅବତରଣ କରିଛି । ଗତ ବର୍ଷ ଇସ୍ରୋ ପରୀକ୍ଷଣ ସମୟରେ ବାୟୁସେନାର ଚିନୁକ୍ ହେଲିକପ୍ଟରରୁ ସାଢେ ୪ କିଲୋମିଟର ଉପରୁ ଆରଏଲଭିକୁ ଛାଡି ଦେଇଥିଲା । ପୁଷ୍ପକ ଯାନକୁ ଇସ୍ରୋ ବିକଶିତ କରିଛି । ଏଥିରେ ଟେକ୍ନିକାଲ ନାଭିଗେସନ, କଣ୍ଟ୍ରୋଲ ସିଷ୍ଟମ, ଲ୍ୟାଣ୍ଡିଂ ଗିୟର ଏବଂ ଡିକ୍ଲୋରାସେନ ସିଷ୍ଟମ ରହିଛି । ପୂର୍ବ ପରୀକ୍ଷଣ ଅପେକ୍ଷା ଏଥର ଇସ୍ରୋ ପୁନଃବ୍ୟବହାର ଯୋଗ୍ୟ ଲଞ୍ଚ ଯାନରେ ଏୟାରଫ୍ରେମ୍ ଷ୍ଟ୍ରକ୍ଟର ଏବଂ ଲ୍ୟାଣ୍ଡିଂ ଗିୟରକୁ ଅଧିକ ଶକ୍ତିଶାଳୀ କରିଛି । ଅବତରଣ ସମୟରେ ଏହା ଅଧିକ ଓଜନ ବହନ କରିପାରିବ ।
Comments are closed.