ମ.ରାମପୁର : ଘାଟିରେ ଅଟୋ ଓଲଟି ୭ ଜଣ ଗୁରୁତର ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୫ଜଣକୁ ଭବାନୀପାଟଣା ମୁଖ୍ୟ ଚିିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଘଟଣାଟି ଘଟିଛି କଳାହାଣ୍ଡି ଜିଲ୍ଲା ମ.ରାମପୁର ବ୍ଳକର ଦେଢଶୁଲି ପଞ୍ଚାୟତର ଜାମୁଲି ଘାଟିରେ। ଆଜି ଅପରାହ୍ନରେ ଏକ ବିବାହ ଭୋଜି ଖାଇବାକୁ ସାରେଙ୍ଗପଡା ଗାଁରୁ ମାସ୍କାପୁଡି ଗାଁକୁ ଏକ ଅଟୋରେ ଯାଉଥିବା ସମୟରେ ଜାମୁଲି ଘାଟିରେ ଅଟୋଟି ଭାରସାମ୍ୟ ହରାଇଥିଲା ,ଫଳରେ ଅଟୋରେ ବସିଥିବା ୧୫ଜଣଙ୍କ ମଧ୍ୟରୁ ୫ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ଭବାନୀପାଟଣା ମୁଖ୍ୟ ଚିିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ସେମାନଙ୍କ ମଧ୍ୟରୁ ୪ଜଣ ମହିଳା ଥିବା ବେଳେ ଜଣେ ପୁରୁଷ ଥିବା ଜଣାପଡିଛି। ଅନ୍ୟମାନଙ୍କୁ ମ.ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଏହି ଘାଟି ରାସ୍ତାଟି ଅଣ ଓସାରିଆ ହୋଇଥିବାରୁ ଏଭଳି ଦୁର୍ଘଟଣା ଘଟିଥିବା ଜଣା ପଡିଛି। ଗୁରୁତର ଆହତ ମାନେ ହେଲେ ସାରେଙ୍ଗପଡା ଗାଁର କରେଲି ମାଝୀ, ମିଖାଲା ବେନିଆ, ନିଳେନ୍ଦ୍ରି ବେନିଆ ଓ ଅନ୍ୟ ୨ଜଣ ହେଲେ ପଟାଙ୍ଗି ଗାଁର ସମାଲି ମାଝୀ, ବ୍ରଜ ହରିଜନ ବୋଲି ଜଣାପଡିଛି।
Comments are closed.