ନୂଆଦିଲ୍ଳୀ: କାର ଦୁର୍ଘଟଣା ପରେ ୨୦୨୨ ଡିସେମ୍ବରରୁ କ୍ରିକେଟ ଠାରୁ ଦୂରେଇ ରହିଛି ଋଷଭ ପନ୍ତ । ହେଲେ ଏବେ ସେ କମବ୍ୟାକ୍ କରିବାକୁ ଯାଉଛନ୍ତି । ୨୦୨୪ ଆଇପିଏଲରେ ଋଷଭ ଖେଳିବା ନେଇ ଆଶା ବଢିଛି । ଏସବୁ ଭିତରେ ମଙ୍ଗଳବାର ବିସିସିଆଇ ସାଧାରଣ ସମ୍ପାଦକ ଜୟ ଶାହା ଋଷଭଙ୍କୁ ନେଇ ବଡ ଖବର ଦେଇଛନ୍ତି । ସେ କହିଛନ୍ତି ପନ୍ତ ଏବେ ସଠିକ୍ ଭାବେ ବ୍ୟାଟିଂ ଓ କିପିଂ କରୁଛନ୍ତି । ଖୁବଶୀଘ୍ର ତାଙ୍କୁ ଫିଟ୍ ଘୋଷଣା କରାଯିବ । ଯଦି ସେ ଟି-୨୦ ବିଶ୍ୱକପ ଖେଳିପାରିବେ ତେବେ ଆମ ପାଇଁ ଭଲ ଖବର । ଋଷଭ ଆମ ପାଇଁ ବଡ ସମ୍ପତ୍ତି । ଯଦି ସେ କିପିଂ କରିପାରିବେ ତେବେ ବିଶ୍ୱକପ ଖେଳିପାରିବେ । ଆଇପିଏଲ ସେ କିଭଳି ପ୍ରଦର୍ଶନ କରୁଛନ୍ତି ତାହା ଦେଖିବା ବୋଲି ଜୟ ଶାହ କହିଛନ୍ତି । ୨୦୨୨ ଡିସେମ୍ବର ମାସରେ କାର ଦୁର୍ଘଟଣା ଯୋଗୁ ପନ୍ତଙ୍କ ଡାହାଣ ପଟ ଆଣ୍ଠୁରେ ଗଭୀର ଆଘାତ ଲାଗିଥିଲା।
Popular Categories
Previous article
Next article