ନୂଆଦିଲ୍ଲୀ : ପ୍ରତି ବର୍ଷ ସାପ କାମୁଡାରେ ହଜାର ହଜାର ଲୋକ ପ୍ରାଣ ହରାଉଛନ୍ତି । ତେବେ ଖୁବ୍ ଶୀଘ୍ର ଏହି ସମସ୍ୟାର ସମାଧାନ ଆସିପାରେ । ବୈଜ୍ଞାନିକମାନେ ଏମିତି ଏକ କୃତ୍ରିମ ଆଣ୍ଟିବଡି ଆଣ୍ଟିଭେନମ୍ ପ୍ରସ୍ତୁତ କରିବାରେ ସଫଳତା ପାଇଛନ୍ତି ଯାହା ସାପ ବିଷକୁ ନିଷ୍କ୍ରିୟ କରିଦେବ ।
ଏକ ଅଧ୍ୟୟନ ଅନୁସାରେ ଆମେରିକାର ସ୍କ୍ରିପ୍ସ ରିସର୍ଚ୍ଚ ଇନଷ୍ଟିଚ୍ୟୁଟର ଗବେଷକମାନେ କହିଛନ୍ତି କି ଏହି ଅଧ୍ୟୟନ ଆଣ୍ଟିବଡି ସମାଧାନ ଦିଗରେ ଏକ ପଦକ୍ଷେପ, ଯାହା ସାପ ବିଷରୁ ଆମ ରକ୍ଷା କରିପାରିବ । ଆଇଆଇଏସସି ବେଙ୍ଗାଲୁରୁରେ ପିଏଚଡି କରୁଥିବା ସେନଜୀ ଲକ୍ଷ୍ମୀ କହିଛନ୍ତି କି ପ୍ରଥମ ଥର ସାପ ବିଷର ଉପଚାର ପାଇଁ ଆଣ୍ଟିବଡି ବିକଶିତ କରିବା ପାଇଁ ଏହି କୌଶଳ ଆପଣାଯାଇଛି ।
ଗବେଷକମାନେ କହିଛନ୍ତି କି ବିଶ୍ବରେ ସାପ କାମୁଡାରେ ମୃତ୍ୟୁକୁ ସମାପ୍ତ କରିବା ଆଣ୍ଟିବଡିର ଉଦ୍ଦେଶ୍ୟ । ଅଧ୍ୟୟନରେ ଜଣାପଡିଛି କି ଏହି ଆଣ୍ଟିବଡି ୩ ଏଫଟିର ୧୪୯ ଭେରିଏଣ୍ଟରୁ ୯୯ରେ ସଫଳ ହୋଇପାରେ । ମୂଷା ଉପରେ ଏହାର ପରୀକ୍ଷଣ କରାଯାଇଛି । ପରୀକ୍ଷଣରେ ଜଣାପଡିଛି କି ବିଷ ଦେବା ଫଳରେ ମୂଷା ୪ ଘଣ୍ଟା ଭିତରେ ମରିଗଲା । କିନ୍ତୁ ଯେଉଁ ମୂଷାକୁ ଏହି ଆଣ୍ଟିବଡି ଦିଆଗଲା ସେ ୨୪ ଘଣ୍ଟାରୁ ମଧ୍ୟ ଅଧିକ ସମୟ ଜୀବିତ ରହିଲା । ଏବଂ ତା ପରେ ମଧ୍ୟ ସୁସ୍ଥ ଥିବା ଜଣାପଡିଲା । ତେବେ ଏଥିରେ ଆଉ ପାଦେ ଆଗକୁ ଯାଇ ମାନବ ସମାଜର କଲ୍ୟାଣ ପାଇଁ ବ୍ୟବହାର କରାଯିବାକୁ ଲକ୍ଷ୍ୟ ରଖାଯାଇଛି ।
