ଫୁଲବାଣୀ: ରାଜ୍ୟ ରାଜଧାନୀ ଭୁବନେଶ୍ୱର ଉପକଣ୍ଠ ଭରତପୁର ଅଞ୍ଚଳରୁ ଗତ ୧୫ ତାରିଖ ସରସ୍ବତୀ ପୂଜା ଦିନ ନିଖୋଜ ହୋଇଥିବା ଜଣେ ଶାରୀରିକ ଭିନ୍ନକ୍ଷମ ଯୁବତୀଙ୍କୁ ଶନିବାର ଭରତପୁର ଥାନା ପୋଲିସ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ପୋଲିସ ସହଯୋଗରେ ଫିରିଙ୍ଗିଆ ଥାନା ଅନ୍ତର୍ଗତ ମାଝୀପଡା ଗାଁରୁ ଉଦ୍ଧାର କରିଛି। ସୂଚନା ଅନୁସାରେ ଗତ ସରସ୍ବତୀ ପୂଜା ଦିନ ଶାରୀରିକ ଭିନ୍ନକ୍ଷମ ଯୁବତୀ ଜଣକ ନିଖୋଜ ହୋଇଯାଇଥିବା ଯୁବତୀଙ୍କ ବାପା ଦୁଃଖି ନାୟକ ଭରତପୁର ଥାନାରେ ଲିଖିତ ଅଭଯୋଗ କରିଥିଲେ ଯୁବତୀଙ୍କ ବାପାଙ୍କ ଅଭଯୋଗ ଆଧାରରେ ଭରତପୁର ପୋଲିସ ୨୨/୨୪ ରେ ଏକ ନିଖୋଜ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ। ନିଖୋଜ ହେବାର ଦୁଇଦିନ ପରେ ଅର୍ଥାତ ଶୁକ୍ରବାର ଦିନ ଯୁବତୀ ଜଣକ ତାଙ୍କର ଜଣେ ଶାରୀରିକ ଭିନ୍ନକ୍ଷମ ପୁରୁଷ ବନ୍ଧୁଙ୍କ ସହ ଚାଲିଆସି କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ମାଝୀପଡା ଗାଁରେ ତାଙ୍କର ଅନ୍ୟଜଣେ ବନ୍ଧୁଙ୍କ ଘରେ ଥିବା ଜାଣିବାକୁ ପାଇଥିଲେ। ତେବେ ଶନିବାର ଭରତପୁର ଥାନା ଅଧିକାରୀଙ୍କ ନିର୍ଦେଶ କ୍ରମେ ଥାନାର ଏକ ଟିମ ଫିରିଙ୍ଗିଆ ଥାନାକୁ ଆସି ଫିରିଙ୍ଗିଆ ଥାନା ଆଧିକାରୀ ରମେଶ କୁମାର ପ୍ରଧାନଙ୍କ ସହଯୋଗରେ ମାଝିପଡ଼ା ଗାଁରୁ ନିଖୋଜ ଯୁବତୀ ଓ ଯୁବକଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ।
Popular Categories
Previous article
Next article