ଲଖନଉ : ଅଯୋଧ୍ୟାରେ ୨୨ ଜାନୁଆରୀରେ ହେବାକୁ ଥିବା ପ୍ରାଣ ପ୍ରତିଷ୍ଠା ଉତ୍ସବ ପାଇଁ ସଭିଁଙ୍କ ବେଶ ଉତ୍ସାହ ରହିଛି। ଏହି ଅବସରରେ ଲୋକେ ଦୀପାବଳି, ଧନତେରସ ଭଳି ପ୍ରସ୍ତୁତି ଆରମ୍ଭ କରିଛନ୍ତି। ବର୍ତ୍ତମାନ ପ୍ରାଣ ପ୍ରତିଷ୍ଠା ଉତ୍ସବ ଉତ୍ତର ପ୍ରଦେଶରେ ପର୍ବ ପର୍ବାଣିରେ ପରିଣତ ହୋଇଛି। ନବରାତ୍ର ଓ ଧନତେରସ ଭଳି ୨୨ ଜାନୁଆରୀ ପାଇଁ ଲୋକେ ଏପର୍ଯ୍ୟନ୍ତ ପ୍ରାୟ ୨୨ ହଜାର ଯାନର ଡେଲିଭରି ପାଇଁ ବୁକିଙ୍ଗ କରିଛନ୍ତି। ସେହିପରି ସୁନା-ଚାନ୍ଦିର ରାମ ଦରବାର, ଟଙ୍କା, ରାମ ମନ୍ଦିର ଆକୃତିର ମୁଦି ବଜାରରେ ଉପଲବ୍ଧ। ରାମ ଦରବାର ବସ୍ତ୍ର ଗୁଜରାଟରୁ ଉତ୍ତରପ୍ରଦେଶ ପହଞ୍ଚି ସାରିଛି। ସେହିଦିନ ପ୍ରଦେଶରେ ପ୍ରାୟ ୬୫୦୦ରୁ ଅଧିକ ବିବାହ ମଧ୍ୟ ହେବ। ମୋଟ ପ୍ରାୟ ୧୦ ହଜାର କୋଟିର ବ୍ୟବସାୟ ଲକ୍ଷ୍ୟ (ବଜାର) ପ୍ରସ୍ତୁତ ହୋଇଛି।
ବର୍ତ୍ତମାନ ସମୟରେ ଶ୍ରୀରାମ ମନ୍ଦିର ମଡେଲ୍ ପାଇଁ ଚାହିଦା ଅଧିକ ରହିଛି। ଏଗୁଡ଼ିକ ତମ୍ବା, ପିତ୍ତଳ, ରୂପା, କାଠରେ ତିଆରି। ହସ୍ତତନ୍ତ ବିଭାଗ ଅନୁଯାୟୀ, କେବଳ ୧୫ ହଜାରରୁ ଅଧିକ ହସ୍ତଶିଳ୍ପୀ ଏବଂ କାରିଗର ଏହି ମଡେଲଗୁଡିକ ପ୍ରସ୍ତୁତ କରୁଛନ୍ତି। କୁମ୍ଭାରମାନେ ଅଧିକ ଲାଭବାନ ହୋଇଛନ୍ତି। ବର୍ତ୍ତମାନ ପର୍ଯ୍ୟନ୍ତ ପ୍ରାୟ ଦୁଇ କୋଟି ଦୀପ ବିକ୍ରି ହୋଇସାରିଛି। ୧.୫ ଲକ୍ଷ କିଲୋରୁ ଅଧିକ ଲଡୁ ପାଇଁ ଆଗୁଆ ବୁକିଙ୍ଗ ହୋଇଛି। ବହୁ ପରିମାଣରେ ଗେଣ୍ଡୁ ଓ ଗୋଲାପ ଫୁଲ ମଧ୍ୟ ଅର୍ଡର କରାଯାଇଛି।
Comments are closed.