କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ପଞ୍ଚାୟତ ସମିତି ସଦଭାବନା ଗୃହଠାରେ ସୋମବାର ଜିଲାପାଳଙ୍କ ଯୁଗ୍ମ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ ସ୍ଵଧାଦେବ ସିଂହଙ୍କ ଅଧ୍ୟକ୍ଷତାରେ ବ୍ଲକ ଅଧ୍ୟକ୍ଷା ଅମ୍ବ୍ରିତା କାଡ୍ରାକା ମଞ୍ଚାସୀନ ରହିଥିଲେ। ଏଥିରେ ମୋଟ ୩୬ଟି ଅଭିଯୋଗ ଶୁଣାଣି ହୋଇଥିଲା। ସେଥିରୁ ୧୬ ଗୋଟି ଗୋଷ୍ଠୀ ଭିତ୍ତିକ ରହିଥିବା ବେଳେ ୧୨ଟି ବ୍ୟକ୍ତିଗତ ସମସ୍ୟା ରହିଥିଲା। ଉଠା ଜଳସେଚନ, ଘର ପଟା, ରାଇଲିମା ଗାଁକୁ ପାନୀୟ ଜଳ ଓ ରାସ୍ତା ନିର୍ମାଣ, ଦୁର୍ଗା ମନ୍ଦିର ଜାଗା ଚିହ୍ନଟ ଆଦି ଅଭିଯୋଗ ହୋଇଥିଲା। ଏଥିରେ ସ୍ଥାନୀୟ ବିଡିଓ ରାଜୀବ ଦାସ, ତହସିଲଦାର ରଞ୍ଜନ କୁମାର ମାନସେଠ, ସହକାରୀ ଯନ୍ତ୍ରୀ ସବ୍ୟସାଚୀ ନାୟକଙ୍କ ସମେତ ଜିଲାସ୍ତରୀୟ ସମସ୍ତ ବିଭାଗୀୟ ଅଧିକାରୀ ଉପସ୍ଥିତ ରହିଥିଲେ। ମଞ୍ଚରେ ଯେଉଁ ଅତିଥିଙ୍କ ନାମ ଲେଖାଯାଇଛି, ସେହି ସ୍ଥାନରେ ଅନ୍ୟ ଜଣେ ଅଧିକାରୀ ବସିଥିବା ଦେଖି ବୁଦ୍ଧିଜୀବୀ ମହଲରେ ଚର୍ଚ୍ଚାର ବିଷୟ ପାଲଟିଛି।
Comments are closed.