ଗଞ୍ଜାମ : ଗଞ୍ଜାମ ଥାନା ଅନ୍ତର୍ଗତ ପୁଇଁତୋଳା ଗ୍ରାମର ଏକ ତାଲା ବନ୍ଦ ଥିବା ଘରୁ ଦିନରେ ଚୋରି ହୋଇଥିବା ଘଟଣା ର ଦୁଇ ଅଭିଯୁକ୍ତ କୁ ପୋଲିସ ଧରିବାରେ ସଫଳ ହୋଇଛି। ସେମାନଙ୍କୁ ପୋଲିସ ଜେରା କରିବା ସହ ଅନେକ ତଥ୍ୟ ପାଇଛି। ସେମାନଙ୍କ ଠାରୁ ମାରନାଅସ୍ତ୍ର ଓ ଏକ ଗାଡି ଜବତ କରିଛି। ସେମାନଂକୁ କୋର୍ଟ ଚଲାଣ କରାଯିବ ବୋଲି ପୋଲିସ ସୂଚନା ଦେଇଛନ୍ତି। ସୂଚନା ଯୋଗ୍ୟ ଯେ ଗତ ଦୁଇ ମାସ ତଳେ ସୁନା ଅଳଙ୍କାର ଲୁଟ ହୋଇଥିବା ନେଇ ଅଭିଯୋଗ ହୋଇଥିଲା । ଏହାକୁ ଭିତ୍ତି କରି ପୋଲିସ ମାମଲା ରୁଜୁ କରିବା ସହ ତଦନ୍ତ ଜାରି ରଖିଥିଲା। ଶନିବାର ଦିନ ଥାନା ଅଧିକାରୀ ନମିତା ପାତ୍ର ଏକ ସମ୍ବାଦିକ ସମ୍ବିଳନୀ ଜରିଆରେ ଚୋରି ଘଟଣା ର ପର୍ଦାଫାଶ ସୂଚନା ଦେଇଛନ୍ତି।
ଗିରଫ ଦୁଇଜଣ ଲୁଟେରା ହେଲେ ପଶ୍ଚିମବଙ୍ଗର ମୁର୍ସିଦା ବାଦ ଜିଲ୍ଲାର ପଶ୍ଚିମ ପଡା ର ସୋହେଲ ଅହମ୍ମଦ ଓ ମଇ ରୁଦିନ ମୁଲ୍ଲା। ଉଭୟ ହିନ୍ଦି ଓ ବଙ୍ଗାଳୀ ଭାଷାରେ କଥାବାର୍ତ୍ତା ହେଉଥିବା ବେଳେ ସେମାନଙ୍କ ନିକଟରୁ ବ୍ୟବହାର କରୁଥିବା ଡ଼ବ୍ଲ୍ୟୁ ବି ୫୮ବି ଏମ ୬୧୧୯ ନମ୍ବର ବିଶିଷ୍ଟ ସ୍କର୍ପିଓ, ଦୁଇଟି ଖଣ୍ଡା, ବିଭିନ୍ନ ବ୍ୟାଙ୍କ ଏ ଟି ଏମ କାର୍ଡ , ପାନ କାର୍ଡ, ୨୬ ଶହ ଟଙ୍କା ପୋଲିସ ଜବତ କରାଯାଇଥିବା ଜଣା ପଡିଛି। ଚୋରି ଯାଇଥିବା ଘର ମାଲିକ କୃଷ୍ଣ ପଲାଇ ଡ଼କାୟତ ମାନେ ବ୍ୟବହୃତ କରିଥିବା ଗାଡି ନମ୍ବର ପୋଲିସକୁ ଅଭିଯୋଗ ସମୟରେ ଜଣେଇଥିଲେ। ଉକ୍ତ ଗାଡି ନମ୍ବର କୁ ନେଇ ଗଞ୍ଜାମ ଥାନା ପୋଲିସ ଓଡିଶା ପଡୋଶୀ ରାଜ୍ୟ ଆନ୍ଧ୍ର ପ୍ରଦେଶର ବିଭିନ୍ନ ଟୋଲଗେଟ କୁ ପଚାରା ଉଚରା କରିବା ପରେ ଉକ୍ତ ସ୍କର୍ପିଓ ଚେନାଇ ରେ ଥିବା ଜଣା ପଡିଥିଲା। ସେହିଦିନ ଠାରୁ ଉକ୍ତ ଡକାୟତି ଗ୍ୟାଙ୍କ ର ଗତିବିଧିକୁ ଲକ୍ଷ କରି ଆସୁଥିଲେ। ସ୍କ୍ରପିୟ ଗାଡି ନମ୍ବରକୁ ଲିଙ୍କ ଥିବା ମୋବାଇଲକୁ ପୋଲିସ ଟ୍ରାକ କରି ସେମାନେ ଚେନାଇ ରୁ ଆସୁଥିବା ପୋଲିସ ଜାଣି ପାରିଥିଲା ।
ପୂର୍ବ ସୂଚନା ଅନୁସାରେ ଉକ୍ତ ସ୍କ୍ରପିୟ ଗାଡି ଖଲ୍ଲିକୋଟ ଥାନା ଅନ୍ତର୍ଗତ ଗୁରାପଲ୍ଲୀ ଟୋଲଗେଟରେ ପହଞ୍ଚିବା ପରେ ଥାନା ଅଧିକାରୀ ସୁମିତ୍ରା ପାତ୍ରଙ୍କ ନେତୃତ୍ୱ ରେ ତଦନ୍ତକାରୀ ପୋଲିସ ଜି. ଅନନ୍ତ ରାଓ, କନେଷ୍ଟବଳ ସଚ୍ଚିଦାନନ୍ଦ ସାହୁ, ଅଶ୍ୱିନ ପଟନାୟକ, ସୋମନାଥ ରେଡି, ସୁରେନ୍ଦ୍ର ଗୌଡ଼ ପ୍ରମୁଖଙ୍କ ସମେତ ଦୀର୍ଘ ସମୟ ଡକାୟତ ମାନଙ୍କ ସହ ଧସ୍ତା ଧସ୍ତି ପରେ ଦୁଇଜଣ ଡକାୟତ ଙ୍କୁ ଧରିବାରେ ସକ୍ଷମ ହୋଇଥିଲେ । ସେମାନଙ୍କୁ ଧରି ଗଞ୍ଜାମ ଥାନାଙ୍କୁ ଆଣି ପଚାରା ଉଚାରା ପରେ ପୁଇଁତୋଳା ଡକାୟତି ଘଟଣା ରେ ସମ୍ପୃକ୍ତ ଥିବା ଏବଂ ସେମାନଙ୍କ ଏକ ଗ୍ୟାଙ୍କ ଥିବା ସେମାନଙ୍କ 5 ଜଣିଆ ଗ୍ୟାଙ୍କ ଥିବା ପୋଲିସ ଆଗରେ ସ୍ୱୀକାର କରିଥିଲେ। ଉକ୍ତ ୫ ଜଣିଆ ଗ୍ୟାଙ୍କ ମଧ୍ୟରୁ ଦୁଇଜଣ ପୂର୍ବରୁ ଗିରଫ ହୋଇଥିବା ପୋଲିସ କୁ ସୂଚନା ମିଳିଛି। ଗ୍ୟାଙ୍କ ର ଅନ୍ୟଜଣେ ବ୍ୟକ୍ତି ଚେନାଇ ରେ ଥିବା ଜଣାପଡିଛି
ପ୍ରକାଶ୍ୟଯୋଗ୍ୟ ପୁଇଁତୋଳା ତାଲା ବନ୍ଦ ଘରୁ ଚୋରି କରିବା ଦିନ ଜାଳେଶ୍ବର ଓ ଇଛାପୁର ଅଞ୍ଚଳରୁ ଲୁଟ କରିଥିବା ପୋଲିସ ସୂଚନା ଦେଇଛି ।
