ପାରାଦ୍ବୀପ : କଣ୍ଟେନର ଭିତରେ ରହିଥିଲା ଶହ ଶହ ଲିଟର ଚୋରା ଡିଜେଲ। ବିଳମ୍ବିତ ରାତିରେ ଲାଗିଲା ନିଆଁ। ହୁତୁହୁତୁ ହୋଇ ଜଳିଗଲା ଚୋରା ଡିଜେଲ ରହିଥିବା କଣ୍ଟେନର ସମେତ ଦୁଇଟି ଟ୍ରକ। ବିଳମ୍ବିତ ରାତିରେ ଏହି ଚୋରା ତେଲ ଗଛିତ ରହିଥିବା କଣ୍ଟେନରରେ ନିଆଁ ଲାଗିବା ଫଳରେ କଣ୍ଟେନର ସମେତ ନିକଟରେ ଗ୍ୟାରେଜରେ କାମ ହେବାକୁ ରହିଥିବା ଦୁଇଟି ଟ୍ରକର ଇଂଜିନ ସମ୍ପୂର୍ଣ ଭାବରେ ଜଳିପୋଡି ପାଉଁଶ ହୋଇ ଯାଇଛି। ରାତି ଦୁଇଟାରୁ ସାଢେ ଦୁଇଟା ମଧ୍ୟରେ ଚୋରାତେଲ ଭରା କଣ୍ଟେନରରେ କୌଣସି କାରଣବଶତଃ ନିଆଁ ଲାଗିବା ଫଳରେ କଣ୍ଟେନର ଓ ଦୁଇଟି ଟ୍ରକ ରାସ୍ତା ପାର୍ଶ୍ଵରେ ଜଳୁଥିବା ଖବର ପାଇ କୁଜଙ୍ଗ ଅଗ୍ନିଶମ ବିଭାଗ ଓ ପାରାଦ୍ୱୀପ ଅଗ୍ନିଶମ ବିଭାଗର ୪ଟି ଗାଡି ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ଅଗ୍ନିଶମ ବିଭାଗ ସହିତ ପୁଲିସ ପହଞ୍ଚି ନିଆଁକୁ ଆୟତ୍ତ କରିବା ପରେ ଘଟଣାର ଅନୁସନ୍ଧାନ ଜାରି ରଖିଛି। ତେବେ ଏହି ଚୋରାତେଲ ବେପାର କାରଣରୁ ଦୁଇ ଦୁଇଟି ଟ୍ରକ ମାଲିକଙ୍କୁ ଲକ୍ଷାଧିକ ଟଙ୍କାର କ୍ଷତି ସହିବାକୁ ପଡିଛି। କଣ୍ଟେନରରେ ଥିବା ପ୍ଲାଷ୍ଟିକ ଜାର ଓ ଟାଙ୍କିରେ ତେଲ ରଖାଯାଇଥିଲା ଓ ନିଆଁ ଲାଗିବାରୁ ତାହା ସମ୍ପୂର୍ଣ୍ଣ ଜଳିଯାଇଛି।
Popular Categories
Previous article
Next article