ବାଙ୍ଗିରିପୋଷି: ବାଙ୍ଗିରିପୋଷି ଘାଟିରେ ପୁଣି ଏକ ଅଘଟଣ ଘଟିଛି। କଣ୍ଟେନରରେ ନିଆଁ ଲାଗି ପୋଡିଗଲା କଣ୍ଟେନରର ଇଞ୍ଜିନ। ମୟୁରଭଞ୍ଜ ଜିଲ୍ଲା ୪୯ ନଂ ଜାତୀୟ ରାଜପଥର ବାଙ୍ଗିରିପୋଷି ଘାଟିରେ ଆଜି ଏକ କଣ୍ଟେନର କଲିକତାରୁ ମୁମ୍ବଇ ଯାଉଥିବା ବେଳେ ଏହି ଅଘଟଣ ଘଟିଛି। ଖବର ପାଇ ବାଙ୍ଗିରିପୋଷି ଦମକଳ ବାହୀନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ।
କଣ୍ଟେନର ଚାଳକ ଓ ହେଲପର ଡିଆଁ ମାରି ଓହ୍ଲାଇ ପଳାଇଥିଲେ। ଫଳରେ ଅଳ୍ପକେ ବର୍ତ୍ତି ଯାଇଛନ୍ତି। କଣ୍ଟେନରଟିରେ ବିଭିନ୍ନ ମୂଲ୍ୟବାନ ସାମଗ୍ରୀ ରହିଥିବା ବେଳେ ସେଥିରେ ନିଆଁ ଲାଗିବା ପୂର୍ବରୁ ଦମକଳ ବାହିନୀ ନିଆଁକୁ ଆୟତ୍ତ କରିଥିଲେ। ନିଆଁ ଲାଗିବାରୁ କିଛି ସମୟ ଧରି ଘାଟି ରାସ୍ତାରେ ଯାତାୟତ ବନ୍ଦ ରହିବା ପରେ ସ୍ଵାଭାବିକ ହୋଇଛି।
Comments are closed.