ପତି ତରକାରୀରେ ଦୁଇଟି ଟମାଟୋ ପକାଇବାରୁ ଘର ଛାଡି ପଳାଇଲେ ପତ୍ନୀ

ଭୋପାଳ – ଏବେ ଟମାଟୋ ଦର ଆକାଶ ଛୁଆଁ । ଅନେକ ଲୋକ ଟମାଟୋ ଖାଇବା କମାଇ ଦେଲେଣି । ଅନେକ ଟମାଟୋ ଖାଇବା ଛାଡି ଦେଇଛନ୍ତି । କେତକ ଲୋକ ଟମାଟୋ ସସ୍‌ରେ କାମ ଚଳାଉଛନ୍ତି । ମଧ୍ୟପ୍ରଦେଶର ଶହଡୋଲରେ ଏକ ଅଭାବନୀୟ ଘଟଣା ଘଟିଛି ।

ସନ୍ଦିପ ନାମକ ଢାବା ମାଲିକ ଘର ଲୋକଙ୍କ ପାଇଁ ରୋଷେଇ କରୁଥିବା ବେଳେ ଦୁଇଟି ଟମାଟୋ ତରକାରୀରେ ପକାଇ ଦେଇଥିଲେ । ଏହା ଜଣା ପଡିବା ପରେ ତାଙ୍କ ପତ୍ନୀ ଆରତୀ ଘର ଛାଡି ନିଜ ପିଲା ସହ ପଳାଇଛନ୍ତି । ଯେତେ ବୁଝାଇବା ପରେ ବି ସେ ଘରକୁ ନ ଫେରିବାରୁ ସନ୍ଦିପ ବାଧ୍ୟ ହୋଇ ଥାନାରେ ଅଭିଯୋଗ କରିଥିଲେ । ଥାନାରେ ତାଙ୍କ ପତ୍ନୀ ଆରତୀଙ୍କୁ ବୁଝାସୁଝା କରାଯାଇଥିଲା । ମାତ୍ର ସେ ବୁଝିବା ପାଇଁ ନାରାଜ ହୋଇଥିଲେ ।

ଢାବା ମାଲିକଙ୍କ ପତ୍ନୀ ଆରତୀ ଟମାଟୋ ଖାଇବେ ନାହିଁ ବୋଲି ଶପଥ ନେଇଥିଲେ । ଘରେ ସେ ଏକଥା ସମସ୍ତଙ୍କୁ ଜଣାଇଥିଲେ । ମାତ୍ର ତାଙ୍କ ସ୍ୱାମୀ ସବୁବେଳେ ତାଙ୍କ ଶପଥ ଭାଙ୍ଗିବାକୁ ଚେଷ୍ଟା କରୁଥିବା ସନ୍ଦିପ ଅଭିଯୋଗ କରିଛନ୍ତି । ଏଥିପାଇଁ ସେ ଘର ଛାଡିଥିବା କଥା କହିଛନ୍ତି ।