ଲାଞ୍ଜିଗଡ଼: କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ତ୍ରିଲୋଚନପୁର ପଞ୍ଚାୟତ ନିୟମଗିରି ପାହାଡ଼ର ପାଦ ଦେଶର ଥିବା ବେରେନପିଣ୍ଡା ଗ୍ରାମର ରାଇ ମାଝୀ(୫୫) ନାମକ ବ୍ୟକ୍ତିଙ୍କର ହାତୀ ଆକ୍ରମଣରେ ମୃତ୍ୟୁ ଘଟିଛି। ଏହି ଘଟଣାଟି ଘଟିଛି କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଦକ୍ଷିଣ ବନଖଣ୍ଡ ବିଶ୍ୱନାଥପୁର ରେଞ୍ଜ ଲାଞ୍ଜିଗଡ଼ ସେକ୍ସନ ବେରେନପିଣ୍ଡା ଗ୍ରାମ ଅଞ୍ଚଳରେ। ରାଇ ଶନିବାର ସନ୍ଧ୍ୟା ସମୟରେ ନିଜ ଚାଷଜମିକୁ ଯାଇ ଘରକୁ ଫେରୁଥିଲେ। ଏହାପରେ ପରିବାର ଲୋକେ ଖୋଜାଖୋଜି କରିବା ପରେ ମଧ୍ୟ ପାଇ ନଥିଲେ। ସୋମବାର ସକାଳ ୫ଟାରେ ଚାଷଜମିକୁ ଯିବା ସମୟରେ ଗାଁ ପାଖ ଆମ୍ବ ଗଛ ତଳେ ରାଇଙ୍କୁ ହାତୀ ଆକ୍ରମଣ କରିଥିବା ଦେଖିବାକୁ ପାଇଥିଲେ। ଗାଁ ପାଖ ଏକ ଗଛ ତଳେ ରାଇଙ୍କ ମୃତଦେହ କ୍ଷତ ବିକ୍ଷତ ଅବସ୍ଥାରେ ପଡିଥିବା ଦେଖିବାକୁ ମିଳିଥିଲା। ପରିବାର ଲୋକେ ଲାଞ୍ଜିଗଡ଼ ବନ କର୍ମଚାରୀଙ୍କୁ ଖବର ଦେବା ପରେ ଘଟଣା ସ୍ଥଳରେ ଫରେଷ୍ଟର ଜଗନ୍ନାଥ ନାଗଙ୍କ ସହିତ ବନ କର୍ମଚାରୀ ପହଞ୍ଚିଥିଲେ। ଖବର ପାଇ ଘଟଣାସ୍ଥଳକୁ କଳାହାଣ୍ଡି ଏସିଏଫ ପ୍ରକାଶ ଚନ୍ଦ୍ର ବାତ୍ରା ଏବଂ ବିଶ୍ୱନାଥପୁର ରେଞ୍ଜର ନରୋତ୍ତମ ମାଝୀ ଯାଇ ଘଟଣାର ତଦନ୍ତ କରିଥିଲେ। ବିଜେପୁର ପୁଲିସ ମୃତଦେହ ଜବତ କରି ଲାଞ୍ଜିଗଡ଼ରେ ବ୍ୟବଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରିଥିବା ଜଣାପଡିଛି। ହାତୀପଲ ଅଞ୍ଚଳରେ ଘୁରି ବୁଲୁଥିବା ବେଳେ ଅଞ୍ଚଳର ଲୋକେ ଭୟଭୀତ ହେଇ ରହୁଛନ୍ତି। ପ୍ରଶାସନ ଏହାର ପ୍ରତିକାର କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି।
Comments are closed.