କଲ୍ୟାଣସିଂହପୁର : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକରେ ସରକାରୀ ବସ ଚାଲିବାକୁ ବ୍ଳକ ବାସୀ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଜରିଆରେ ଦାବୀପତ୍ର ପ୍ରଦାନ କରିଥିବା ଜଣାପଡିଛି। ରାୟଗଡ଼ା ଜିଲ୍ଲାର ପ୍ରତ୍ୟେକ ବ୍ଳକରେ ସରକାରୀ ବସ ଚାଲୁଥିବା ବେଳେ କଲ୍ୟାଣସିଂହପୁର ବ୍ଲକର ବିଭିନ୍ନ ଅଞ୍ଚଳର ସରକାରୀ ବସ ଚାଲିବା ନିମନ୍ତେ ଲୋକମାନେ ଦାବୀ କରିଛନ୍ତି। ଆଜି ଗୋଷ୍ଠୀ ଉନ୍ନୟନ ଅଧିକାରୀଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବୀ କରିଛନ୍ତି। କଲ୍ୟାଣସିଂହପୁର ଠାରୁ ରାଜଧାନୀ ଭୁବନେଶ୍ବର ପର୍ୟ୍ୟନ୍ତ, କଲ୍ୟାଣ ସିଂହପୁର ଠାରୁ ବିଶାଖାପାଟଣା ପର୍ୟ୍ୟନ୍ତ, କଲ୍ୟାଣସିଂହପୁର ଠାରୁ ବ୍ରହ୍ମପୁର ପର୍ୟ୍ୟନ୍ତ ସରକାରୀ ବସ ଚଳାଚଳ ପାଇଁ କଲ୍ୟାଣ ସିଂହପୁରବାସୀ ଦିବ୍ୟରଞ୍ଜନ ପାଢ଼ୀ ,ମନରଞ୍ଜନ ତ୍ରିପାଠୀ ,କଲ୍ୟାଣସିଂହପୁର ସରପଞ୍ଚ ଗୌତମ ବାର୍ଲି ଏବଂ ବ୍ଳକର ବିଭିନ୍ନ ଗ୍ରାମ ବାସୀ ଏକ ଲିଖିତ ଦାବୀ ପତ୍ର ଗୋଷ୍ଠୀ ଉନ୍ନୟନ ଅଧିକାରୀ ନ ଥିବାରୁ ବ୍ଳକର ସହକାରୀ ଯନ୍ତ୍ରୀ ସବ୍ୟସାଚୀ ନାୟକଙ୍କୁ ପ୍ରଦାନ କରିଛନ୍ତି। ରାୟଗଡ଼ା ଜିଲ୍ଲାର ଆଦିବାସୀ ଅଧ୍ୟୁଷିତ ଅଞ୍ଚଳରେ ବିଭିନ୍ନ ସମୟରେ ଯାତାୟତ ବେଳେ ବହୁ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି।
Comments are closed.