ନୂଆଦିଲ୍ଲୀ: ସିବିଆଇ ନିର୍ଦେଶକ ଆଲୋକ ବର୍ମା କେନ୍ଦ୍ରୀୟ ସତର୍କତା ଆୟୋଗ(ସିବିସି)ରେ ହାଜର ହୋଇଛନ୍ତି। ଶ୍ରୀ ବର୍ମାଙ୍କ ଉପରେ ଲାଗିଥିବା ଭ୍ରଷ୍ଟାଚାର ଅଭିଯୋଗ ଉପରେ ସ୍ପଷ୍ଟିକରଣ ଦେଇଛନ୍ତି ଶ୍ରୀ ବର୍ମା। ସିବିଆଇର ଅନ୍ୟତମ ନିର୍ଦେଶକ ରାକେଶ ଆସ୍ଥାନା ଦ୍ୱାରା ଶ୍ରୀ ବର୍ମା ନେଇଥିବା ଲାଞ୍ଚ ମାମାଲା ସମେତ ଅନ୍ୟାନ୍ୟ ଅଭିଯୋଗର ତଦନ୍ତ କରୁଛି ସିବିସି। ମିଳିଥିବା ସୂଚନା ଅନୁଯାୟୀ ଶ୍ରୀ ବର୍ମା ତାଙ୍କ ଉପରେ ଲାଗିଥିବା ସମସ୍ତ ଅଭିଯୋଗକୁ ଖଣ୍ଡନ କରିଛନ୍ତି। ହାଇଦ୍ରାବାରର ବ୍ୟବସାୟୀ ସତୀଶ ସନାଙ୍କ ଠାରୁ ୩କୋଟି ଟଙ୍କା ଲାଞ୍ଚ ନେବା ଅଭିଯୋଗରେ ସିବିଆଇର ସ୍ପେସାଲ ନିର୍ଦେଶକ ରାକେଶ ଆସ୍ଥାନାଙ୍କ ବିରୋଧରେ ଶ୍ରୀ ବର୍ମା ମାମଲା ରୁଜୁ କରିଥିଲେ। ଏହି ଅଭିଯୋଗ ବିରୋଧରେ ଶ୍ରୀ ଆସ୍ଥାନା ପାଲଟା ଶ୍ରୀ ବର୍ମାଙ୍କ ବିରୋଧରେ ୨କୋଟି ଟଙ୍କା ଲାଞ୍ଚ ଅଭିଯୋଗ ଆଣିଥିଲେ। ଉଭୟ ନିର୍ଦେଶଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଗଣମାଧ୍ୟମରେ ପ୍ରଚାରିତ ହେବା ପରେ କେନ୍ଦ୍ର ସରକାର ଏଥିରେ ହସ୍ତକ୍ଷେପ କରି ଉଭୟ ବରିଷ୍ଠ ଅଧିକାରୀଙ୍କୁ ଛୁଟିରେ ପଠାଇ ଦେଇଛନ୍ତି।
ଅପରପକ୍ଷରେ ସିବିଆଇ ସ୍ପେସାଲ ନିର୍ଦେଶକ ରାକେଶ ଆସ୍ଥାନା ୩କୋଟି ଟଙ୍କା ଲାଞ୍ଚ ନେବା ଘଟଣା ସିବିଆଇର କିଛି ଅଧିକାରୀଙ୍କ ଷଢଯନ୍ତ୍ର ବୋଲି ଶ୍ରୀ ଆସ୍ଥାନା ଅଭିଯୋଗ କରିଛନ୍ତି। ଅପରପକ୍ଷରେ ଶ୍ରୀ ଆସ୍ଥାନା ସିବିଆଇ ମୁଖ୍ୟ ଅରୁଣ ଶର୍ମାଙ୍କ ନାମରେ ମଧ୍ୟ ଭ୍ରଷ୍ଟାଚାର ଅଭିଯୋଗ ଆଣିଛନ୍ତି।
