ଲାଞ୍ଜିଗଡ : ଲାଞ୍ଜିଗଡ ବ୍ଳକ ବିଜେପୁର ଥାନା ଅନ୍ତର୍ଗତ ଲାଖବାହିଲି ପଞ୍ଚାୟତର ଦୁରାସାରଲୀ ଗାଁର ଶୀମାଞ୍ଚଳ ସାହୁ(୬୮)ଙ୍କ ବଜ୍ର ପାତରେ ମୃତ୍ୟୁ ଘଟିଛି।ଗତ କାଲି ଅପରାହ୍ଣ ସାଢ଼େ ୩ ଘଣ୍ଟା ସମୟରେ ପ୍ରବଳ ବର୍ଷା ସହିତ ଝଡ଼ ତୋଫାନ ହୋଇଥିଲା। ଏହି ସମୟରେ ଶ୍ରୀ ସାହୁ ନିଜ ଘର ବାରିପଟେ ଥିବା ତେନ୍ତୁଳି ଗଛ ନିକଟରେ ରହିଥିବା ବେଳେ ବଜ୍ର ପାତରେ ମୃତ୍ୟୁ ଘଟିଥିଲା। ତାଙ୍କ ପୁଅ କ୍ଷେତ୍ର ସାହୁ ୧୦୮ ଆମ୍ବୁଲାନ୍ସକୁ ଡକାଇ ଲାଞ୍ଜିଗଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆଜି ଶବ ବ୍ୟବଚ୍ଛେଦ କରାଯିବ ବୋଲି ଡାକ୍ତର ସୂଚନା ଦେଇଛନ୍ତି। ଝଡ଼ ତୋଫାନ ଯୋଗୁଁ ବ୍ଳକର ଘାଟି ଅଞ୍ଚଳର ବିଭିନ୍ନ ଗାଁରେ ଲୋକଙ୍କ ଘରର ଆଜବେଷ୍ଟ ଉଡ଼ାଇ ନେଇଥିବା ବେଳେ ବହୁ କ୍ଷୟକ୍ଷତି ହୋଇଥିବା ସୂଚନା ମିଳିଛି।
Popular Categories
Previous article
Next article