ପାତ୍ରପୁର : ଜରଡା ଥାନା ତୁରୁବୁଡି ପଞ୍ଚାୟତ ନୂଆଗଡଠାରେ ଥିବା ପ୍ରସିଦ୍ଧ ଦେବୀ ପୀଠ କୁରେଇଶୁଣିଙ୍କ ହୁଣ୍ଡି ଗତ ରାତିରେ ଚୋରମାନେ ଚୋରି ଉଦ୍ୟମ କରି ବିଫଳ ହୋଇଥିବା ଜଣାଯାଇଛି। ଦେବୀ ପୀଠରୁ ହୁଣ୍ଡି ଚୋରି ଉଦ୍ୟମ ନେଇ ଗ୍ରାମବାସୀ ଖାରିଆଗୁଡା ଫାଣ୍ଡିରେ ଏତଲା ଦେଇଛନ୍ତି। ଗତ ରାତିରେ କିଛି ଚୋର ମନ୍ଦିରରେ ସ୍ଥାପନ ହୋଇଥିବା ହୁଣ୍ଡିକୁ ଚୋରି କରିବାକୁ ଉଦ୍ୟମ କରିଥିଲେ। ସେମାନେ ହୁଣ୍ଡିଟିକୁ ବାହାର କରି ଏକ ବାଉଁଶ ସାହାଯ୍ୟରେ ବୋହିନେବାକୁ ଉଦ୍ୟମ କରିଥିଲେ। ଏହି ସମୟରେ ସାମାନ୍ୟ ଶବ୍ଦ ଶୁଭିଥିଲା। ମନ୍ଦିର ପାର୍ଶ୍ୱ କୋଠାଘରେ ଶୋଇଥିବା ଗ୍ରାମର ମଙ୍ଗୁଲୁ ଦଳାଇ ଜାଣିପାରି ପାଟି କରିଥିଲେ। ତାଙ୍କର ପାଟି ଶୁଣି ତିନିଜଣ ଚୋର ହୁଣ୍ଡି ଛାଡି ଦୌଡି ପଳାଇଥିଲେ। ପୁଲିସରେ ଏନେଇ ଏତଲା ଦେଇଥିବା ବେଳେ ହୁଣ୍ଡିର ଟଙ୍କା ଗଣତି ଚାଲିଛି।
Popular Categories
Previous article
Next article