ବ୍ରହ୍ମପୁର ବିଶ୍ଵବିଦ୍ୟାଳୟ କୁଳସଚିବଙ୍କ ଅନ୍ୟତ୍ର ବଦଳି

ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟରେ କୁଳସଚିବ ଭାବେ ଦାୟିତ୍ଵ ତୁଲାଉଥିବା ରାଜେନ୍ଦ୍ର କୁମାର ରଞ୍ଜିତଙ୍କୁ କୁଳସଚିବ ପଦବୀରୁ ଅବ୍ୟାହତି ଦିଆଯିବା ସହ ଅନ୍ୟତ୍ର ବିଭାଗକୁ ସ୍ଥାନାନ୍ତରିତ କରାଯାଇଛି । କୁଳପତିଙ୍କ କାର୍ଯ୍ୟାଳୟ ପକ୍ଷରୁ ପ୍ରକାଶିତ ବିଜ୍ଞପ୍ତି ନଂ ୭୪୦୬ ପ୍ରକାରେ ବିଶ୍ବବିଦ୍ୟାଳୟ ପକ୍ଷରୁ ଶ୍ରୀ ରଞ୍ଜିତଙ୍କୁ କାର୍ଯ୍ୟରୁ ରିଲିଭ କରାଯାଇଛି । ଏଥି ସହ ନୂତନ କୁଳସଚିବ ନିଯୁକ୍ତି ହେବା ପର୍ଯ୍ୟନ୍ତ ଓଡିଆ ବିଭାଗ ପ୍ରଧ୍ୟାପକ ଡ. ପ୍ରସନ୍ନ କୁମାର ସ୍ବାଇଁଙ୍କୁ ଭାରପ୍ରାପ୍ତ କୁଳସଚିବ ଭାବେ ଦାୟିତ୍ଵ ପ୍ରଦାନ କରାଯାଇଛି । ଆସନ୍ତାକାଲି ଦାୟିତ୍ବ ଗ୍ରହଣ କରିବେ ବୋଲି ପ୍ରଫେସର୍ ସ୍ୱାଇଁ କହିଛନ୍ତି । ସୂଚନାଯୋଗ୍ୟ ରଞ୍ଜିତ ଗତ ମେ’ ୧୬ ତାରିଖରେ କୁଳସଚିବ ଭାବେ ଦାୟିତ୍ଵ ଗ୍ରହଣ କରିଥିଲେ।