ରାୟଗଡ (ଗଜପତି) .- ଗଞ୍ଜାମ ଓ ଗଜପତିର ବିଭିନ୍ନ ବାତ୍ୟା ପ୍ରଭାବିତ ଅଞ୍ଚଳକୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପରିଦର୍ଶନ କରିଛନ୍ତି । ଗଜପତି ଜିଲା ରାୟଗଡ ବ୍ଲକର ବିଭିନ୍ନ ବାତ୍ୟା ପ୍ରଭାବିତ ଅଞ୍ଚଳ ବୁଲିବା ସହ ସ୍ଥାନୀୟ ବାସିନ୍ଦା ମାନଙ୍କୁ ଭେଟିଛନ୍ତି ।
ତିତିଲ ବାତ୍ୟାଦ୍ୱାରା କ୍ଷତି ଗ୍ରସ୍ତ ଅଞ୍ଚଳରେ ରିଲିଫ ଓ ଉଦ୍ଧାର କାର୍ଯ୍ୟ ଠିକ୍ ଭାବରେ ଚାଲି ନ ଥିବା ସେ ଅଭିଯୋଗ କରିଛନ୍ତି । ଅନେକ ସ୍ଥାନରେ ଆବଶ୍ୟକ ପରିମାଣର ରିଲଫ୍ ପହଞ୍ଚି ନଥିବା କେନ୍ଦ୍ରମନ୍ତ୍ରୀ ସୂଚନା ଦେଇଛନ୍ତି ।
ବାତ୍ୟାର କ୍ଷତି ସମ୍ପର୍କରେ ସେ ପ୍ରଧାନମନ୍ତ୍ରୀଙ୍କୁ ଜଣାଇବେ ଓ ପ୍ରଭାବିତ ଲୋକଙ୍କୁ କେନ୍ଦ୍ରୀୟ ସହାୟତା ଯୋଗାଇ ଦିଆଯିବ ବୋଲି ସେ ପ୍ରକାଶ କରିଛନ୍ତି । ବାତ୍ୟା ପ୍ରଭାବରେ ଲୋକଙ୍କର ପ୍ରାଣହାନୀ ଘଟିବା ସହ ଜୀବନ ଓ ଜୀବିକା ନଷ୍ଟ ହୋଇଥିବା ସେ ପ୍ରକାଶ କରିଛନ୍ତି ।
ତିତଲି ଭୂମି ସ୍ପର୍ଶ କରିବାର 8 ଦିନ ପରେ ବି ଏଠାରେ ବହୁତ ଭୟଙ୍କର ସମସ୍ୟା ରହିଛି। ଅନେକ ଗାଁ ଓ ଏହାର ଆଖପାଖ ଅଞ୍ଚଳକୁ ପକ୍କା ରାସ୍ତା ନାହିଁ। ପାଦରେ ଚାଲିଚାଲି ଯିବାକୁ ପଡୁଛି। ସରକାର ରାଜ୍ୟର 95 ଭାଗ ଅଞ୍ଚଳକୁ ବିଦ୍ୟୁତ୍ ସଂଯୋଗ କରାଯାଇଥିବା କହୁଥିବା ବେଳେ ଏହି ଅଞ୍ଚଳରେ ବିଦ୍ୟୁତ୍ ନାହିଁ। pic.twitter.com/5MgjNzICA5
— Dharmendra Pradhan (@dpradhanbjp) October 18, 2018
