ନୂଆଦିଲ୍ଳୀ: ପୂର୍ବତନ ବିଏସ୍ପି ସାଂସଦଙ୍କ ପୁଅ ଏକ ପଞ୍ଚତାରକା ହୋଟେଲ୍ରେ ପିସ୍ତଲ ଦେଖାଇ ଜଣେ ମହିଳାଙ୍କୁ ଧମକାଇବା ଅଭିଯୋଗ ଆସିଛି। ମୋବାଇଲ୍ ଫୋନ୍ରେ ଉତ୍ତୋଳିତ କରାଯାଇଥିବା ୧୦ ସେକେଣ୍ଡର ଦୃଶ୍ୟରେ ଆଶିଷ ପାଣ୍ଡେ ନାମକ ଏହି ଯୁବକ ଜଣକ ଦିଲ୍ଲୀର ଏକ ପଞ୍ଚତାରକା ହୋଟେଲ୍ରେ ହାତରେ ବନ୍ଧୁକ ଧରି ଜଣେ ମହିଳାଙ୍କ ସହିତ ପାଟିତୁଣ୍ଡ କରୁଥିବା ଓ ଧମକାଉଥିବା ଦେଖାଯାଉଛି। ଆଶିଷ ମହିଳାଙ୍କ ପାଇଁ ଉଦ୍ଦିଷ୍ଟ ଶୌଚାଳୟକୁ ଯିବାକୁ ଉଦ୍ୟମ କରୁଥିଲେ। ମହିଳା ଜଣକ ବାରଣ କରିବାକୁ ଆଶିଷ ଏଭଳି କାଣ୍ଡ ଭିଆଇ ଥିଲେ। ଆଶିଷଙ୍କ ମହିଳା ବନ୍ଧୁ ଓ ହୋଟେଲର ସୁରକ୍ଷାକର୍ମୀମାନେ ତାଙ୍କୁ ସେଥିରୁ ନିବୃତ କରିବାକୁ ଉଦ୍ୟମ କରିଥିଲେ। କିନ୍ତୁ ଆଶିଷ ଶାନ୍ତ ନହେବାରୁ ହୋଟେଲ କର୍ମଚାରୀମାନେ ତାଙ୍କୁ ହୋଟେଲ୍ରୁ ବାହାର କରିଦେଇଥିଲେ।
ଗତ ୧୪ ତାରିଖରେ ଘଟିଥିବା ଏହି ଘଟଣାର ଭିଡିଓ ଚିତ୍ର ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ସେ ବିବାଦୀୟ ହୋଇପଡ଼ିଛନ୍ତି। ଅଭିଯୋଗ ଆଧାରରେ ଦିଲ୍ଲୀ ପୁଲିସ ଆଶିଷଙ୍କୁ ଗିରଫ କରିବା ସହିତ ଆର୍ମ ଆକ୍ଟରେ ମାମଲା ରୁଜୁ କରିଛି।
ହୋଟେଲରେ ମହିଳାଙ୍କୁ ପିସ୍ତଲ ଧରି ଧମକାଇଲେ ପୂର୍ବତନ ସାଂସଦଙ୍କ ପୁଅ
Popular Categories
Previous article
Next article