ମୁମ୍ବାଇ: ବଲିଉଡ଼ ଅଭିନେତା ସୁନୀଲ ଶେଟ୍ଟୀଙ୍କ ଝିଅ ଆଥିୟା ଶେଟ୍ଟୀ ଓ କ୍ରିକେଟର କେ.ଏଲ ରାହୁଲ ଖୁବ୍ଶୀଘ୍ର ବିବାହ ବନ୍ଧନରେ ଆବଦ୍ଧ ହେବେ। ଦୀର୍ଘ ଦିନରୁ ଉଭୟଙ୍କ ବିବାହକୁ ନେଇ ଚର୍ଚ୍ଚା ଚାଲିଥିବା ବେଳେ ଏବେ ବିସିସିଆଇ ସୂତ୍ରରୁ ଏହାକୁ ନିଶ୍ଚିତ କରାଯାଇଛି।
ସୂଚନା ମୁତାବକ, ଆଥିୟା ଶେଟ୍ଟୀ ଏବଂ କେ.ଏଲ୍ ରାହୁଲ ପରସ୍ପର ସହ ନୂଆ ଜୀବନ ଆରମ୍ଭ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ। ଉଭୟ ଆସନ୍ତାବର୍ଷ ଜାନୁୟାରୀ ମାସରେ ବିବାହ କରିବେ। ଟି-୨୦ ବିଶ୍ୱକପ ୨୦୨୨ର କିଛି ମାସ ପରେ ଉଭୟଙ୍କ ବିବାହ ହେବ।
ଏ ଜାତୀୟ ସମ୍ବାଦ ସରବରାହ ସଂସ୍ଥାର ରିପୋର୍ଟ ଅନୁସାରେ, ଆଥିୟା ଓ ରାହୁଲ ମହାରାଷ୍ଟ୍ରରେ ବିବାହ କରିବେ। ଉଭୟଙ୍କ ବିବାହ ଖବରକୁ ବିସିସିଆଇ ସୂତ୍ରରୁ ନିଶ୍ଚିତ କରାଯାଇଛି। ବିସିସିଆଇର ଜଣେ ଅଧିକାରୀ କହିଛନ୍ତି, କେ.ଏଲ୍ ରାହୁଲ ମୋତେ କିଛି ଦିନ ପୂର୍ବରୁ କହିଥିଲେ ଯେ ସେ ଆସନ୍ତାବର୍ଷ ଆଥିୟା ଶେଟ୍ଟୀଙ୍କୁ ବିବାହ କରିବାକୁ ଯାଉଛନ୍ତି। ଏହାର କିଛିଦିନ ପରେ ଆଥିୟାଙ୍କ ପକ୍ଷରୁ ମଧ୍ୟ ମୋତେ ସମାନ କଥା କୁହାଯାଇଥିଲା। ଟି-୨୦ ବିଶ୍ୱକପ ପରେ ଟିମ୍ ଇଣ୍ଡିଆ ନ୍ୟୁଜିଲ୍ୟାଣ୍ଡ ଗସ୍ତରେ ଯିବ ଏବଂ ଏହାପରେ ଭାରତ ଫେରିବା ପରେ ଉଭୟ ମହାରାଷ୍ଟ୍ରରେ ବିବାହ କରିବେ।
Comments are closed.