ଆଠଗଡ଼: ମୁଣ୍ଡଳୀ ପୋଲ ଉପରେ ସ୍କୁଟି ରଖି ଜଣେ ଯୁବକ ମହାନଦୀକୁ ଡେଇଁ ପଡିଥିବା ଜଣାପଡିଛି । ଆଜି (ଶନିବାର) ସକାଳ ୮.୩୦ ସମୟରେ ଓଡି ୩୩ ଆର୍ ୯୨୭୦ ନମ୍ବର ବିଶିଷ୍ଟ ଏକ ସ୍କୁଟିରେ ଆସିଥିବା ଭୁବନେଶ୍ୱର ଶୈଳଶ୍ରୀ ବିହାରର ବିଶ୍ଵଦେବ ଦାସ (୪୫) ପୋଲ ଉପରେ ଗାଡିଟିକୁ ରଖି ମହାନଦୀକୁ ଡେଇଁ ପଡିଥିବା ଜଣାପଡ଼ିଛି । ଡେଇଁବା ପୂର୍ବରୁ ସେ ତାଙ୍କ ପର୍ସ, ମୋବାଇଲ ଫୋନ ଓ ଚପଲ ସ୍କୁଟି ପାଖରେ ରଖିଥିଲେ । ପର୍ସ ଭିତରେ ଥିବା ତାଙ୍କ ଆଧାର କାର୍ଡ ଓ ଡ୍ରାଇଭିଙ୍ଗ ଲାଇସେନ୍ସରୁ ପରିଚୟ ପାଇ ପୁଲିସ ତାଙ୍କ ପରିବାର ଲୋକଙ୍କୁ ଖବର ଦେବା ପରେ ପରିବାର ସଦସ୍ୟ ଘଟଣାସ୍ଥଳରେ ପହଞ୍ଚିଛନ୍ତି । ସେ ନଦୀକୁ ଡେଇଁବା ସମୟରେ ପ୍ରଥମେ ସ୍ଥାନୀୟ ମତ୍ସ୍ୟଜୀବୀ ଏହା ଦେଖି ପୁଲିସକୁ ଖବର ଦେଇଥିଲେ । ଆଠଗଡ ପୁଲିସ ଘଟଣା ସ୍ଥଳରେ ପହଞ୍ଚି ଆଠଗଡ଼ ଓ କଟକରୁ ଆସିଥିବା ଅଗ୍ନିଶମ ବାହିନୀ ସହାୟତାରେ ଯୁବକଙ୍କୁ ଭରା ନଦୀରେ ଖୋଜିବାରେ ଲାଗିଛନ୍ତି । ଏହି ରିପୋର୍ଟ ଲେଖା ହେବା ବେଳକୁ ନଦୀରେ ନିଖୋଜ ଯୁବକଙ୍କର କୈଣସି ପତ୍ତା ମିଳିନାହିଁ ।
Popular Categories
Previous article
Next article