ଡେସ୍କ: କେନ୍ଦ୍ର ସରକାର ପାର୍ଲାମେଣ୍ଟର ବର୍ଷାକାଳୀନ ଅଧିବେଶନର ପୂର୍ବରୁ ଆସନ୍ତା ରବିବାର ଦିନ ସକାଳେ ଏକ ସର୍ବଦଳୀୟ ବୈଠକ ଡକାଇଛନ୍ତି। ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ଏହି ବୈଠକ ଡକାଇଛନ୍ତି। ଉଭୟ ସଭାର ରାଜନୈତିକ ଦଳଗୁଡ଼ିକର ନେତାମାନଙ୍କୁ ଏହି ବୈଠକକୁ ଆମନ୍ତ୍ରଣ କରାଯାଇଛି।
ବିରୋଧୀ ଦଳମାନେ ଭାରତ-ଚୀନ ସୀମା ସମସ୍ୟା, ସଶସ୍ତ୍ର ବାହିନୀରେ ନିଯୁକ୍ତି ପାଇଁ ଅଗ୍ନିପଥ ଯୋଜନା ଓ ଆହୁରି ଅନେକ ପ୍ରସଙ୍ଗ ଉତ୍ଥାପନ କରିବେ। ପୂର୍ବରୁ ଗତ ୧୦ ତାରିଖରେ ଏନ୍ଡିଏ ନେତାମାନେ ଏକ ବୈଠକରେ ବର୍ଷାକାଳୀନ ଅଧିବେଶନ ପାଇଁ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ।
- Advertisement -
ଜୁଲାଇ ୧୮ରେ ସଂସଦର ବର୍ଷାକାଳୀନ ଅଧିବେଶନ ଆରମ୍ଭ ହେଉଥିବା ବେଳେ ସେହିଦିନ ରାଷ୍ଟ୍ରପତି ପଦ ପାଇଁ ନିର୍ବାଚନ ହେବ। ଉପରାଷ୍ଟ୍ରପତି ପଦ ପାଇଁ ନିର୍ବାଚନ ଅଗଷ୍ଟ ୬ ତାରିଖରେ ହେବ। ବର୍ଷାକାଳୀନ ଅଧିବେଶନ ଅଗଷ୍ଟ ୧୨ ତାରିଖ ପର୍ଯ୍ୟନ୍ତ ଚାଲିବ।
