ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ବିବାଦକୁ ନେଇ ପୁଣି ସରଗରମ ହେଲା ରାଜ୍ୟ ରାଜନୀତି । ଘଟଣାକୁ ନେଇ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ କ୍ଷୋଭ ପ୍ରକାଶ କରିଛନ୍ତି । ସେ କହିଛନ୍ତି ଶ୍ରୀ ମନ୍ଦିରର ଯାହା କ୍ଷତି ହୋଇଛି ଆଉ ଫେରିବନି । ହେଲେ ଆଗକୁ ଯେପରି ଅଧିକ କ୍ଷତି ନହୁଏ ସେଥିପ୍ରତି ଦୃଷ୍ଟି ଦେବା ଦରକାର । ନହେଲେ ଏହି ଘଟଣାରେ ପ୍ରଧାନମନ୍ତ୍ରୀଙ୍କ ଅଫିସ ସିଧାସଳଖ ହସ୍ତକ୍ଷେପ କରନ୍ତୁ । ମୋର ପ୍ରଧାନମନ୍ତ୍ରୀଙ୍କୁ ଅନୁରୋଧ ଏଥିରେ ହନ୍ତକ୍ଷେପ କରି ସମାଧାନର ବାଟ ବାହାରକରନ୍ତୁ । ଏହି ଅଭିଯୋଗ କୋର୍ଟ କଚେରୀରେ ସମାଧାନ ହେବ ନାହିଁ । ପ୍ରଧାନମନ୍ତ୍ରୀ ନିଜେ ମନ୍ଦିର ବଞ୍ଚାନ୍ତୁ ବୋଲି କହିଲେ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ । ତାହାସହ ସେ ଆହୁରି କହିଛନ୍ତି ପୁରୀ ସହରବାସୀ, ସେବାୟତ ଓ ମଠ ମହନ୍ତ କେହି ବି ଏହି କାମରେ ଖୁସି ନାହାନ୍ତି । ବାହାର ଲୋକଙ୍କ ପାଇଁ ଏହା କରାଯାଉଛି । ଏଥି ପାଇଁ ଯଦି ଆଉ ପୁରୀବାସୀ ମୁଣ୍ଡ ପିଟିବେ ଏହା ଫେରିବ ନାହିଁ ବୋଲି ବିଧାୟକ ତାଙ୍କ ପ୍ରତିକ୍ରିୟାରେ କହିଛନ୍ତି ।
Comments are closed.