କଲମପୁର:କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଗୋପାଳପୁର ଗ୍ରାମ ପଞ୍ଚାୟତ ଅଧିନ ତୁନାପାରି ଠାରୁ ତିନି ଜଣ ଏକ ବାଇକରେ ତୁକୁଗୁଡାକୁ ଆସୁଥିବା ବେଳେ ତୁନାପାରି ମଶାଣି ନିକଟରେ ବାଇକଟି ଭାରସାମ୍ୟ ହରାଇ ପଡିଯାଇଥିଲା। ଫଳରେ ବାଇକ୍ ଚାଳକ ସହିତ ଏହି ବାଇକରେ ବସିଥିବା ଅନ୍ୟ ଦୁଇ ଆରୋହୀ ମଧ୍ୟ ଗୁରୁତର ହୋଇଥିବା ସୂଚନା ମିଳିଛି। ଘଟଣା ସ୍ଥଳରେ ୧୦୮ ଅମ୍ବୁଲାନ୍ସ ପହଞ୍ଚି ଆହତମାନଙ୍କୁ ଉଦ୍ଧାର କରି ଥୁଆମୂଳ ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପ୍ରାଥମିକ ଚିକିତ୍ସା ପାଇଁ ଅଣାଯାଇଥିଲା। ଆହତ ମାନେ ହେଲେ ବାଇକ୍ ଚାଳକ ଶୁଣ୍ଢିଯୁବା ଗାଁର ସୋଭାସିଂ ମାଝୀ(୨୫), ତୁକୁଗୁଡା ଗ୍ରାମର ମୁତେସିଂ ମାଝୀ(୫୦) ଏବଂ ତୁକୁଗୁଡା ଗ୍ରାମର ବାସନ୍ତୀ ନାଏକ (୨୫)। ଏମାନଙ୍କ ମଧ୍ୟରୁ ବାସନ୍ତୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭବାନୀପାଟଣା ଜିଲା ମୁଖ୍ୟ ଡାକ୍ତରଖାନାକୁ ଚିକିତ୍ସା ପାଇଁ ପଠାଯାଇଥିବା ବେଳେ ଅନ୍ୟ ଦୁଇଜଣଙ୍କ ଅବସ୍ଥା ଠିକ୍ ରହିଥିବା ସୂଚନା ଦେଇଛନ୍ତି ଥୁଆମୂଳ ରାମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ସମ୍ବିତ ବିଶ୍ବାଳ।
Comments are closed.