ସୁଆଣ୍ଡୋ – ଦୋଳପୂର୍ଣ୍ଣିମାରେ ଭଗବାନ ଶ୍ରୀକୃଷ୍ଣ ଓ ଶ୍ରୀ ରାଧା ଠାକୁରାଣୀଙ୍କୁ ଦୋଳବେଦୀରେ ଦୋଳଗୋବିନ୍ଦ ଙ୍କୁ ଦର୍ଶନ କରିଛନ୍ତି ଶ୍ରଦ୍ଧାଳୁ । ଦୋଳବେଦୀରେ ଠାକୁରଙ୍କୁ ଦର୍ଶନ କରିବା ପାଇଁ ଲୋକଙ୍କ ଗହଳି ଲାଗିରହିଛି । ପୁରୀ ଜିଲାର ପ୍ରସିଦ୍ଧ ବୈଷ୍ଣବ କ୍ଷେତ୍ର ସାକ୍ଷୀ ଗୋପୀନାଥଙ୍କ ଦୈନିକ ନୀତିକାନ୍ତି ଶେଷ ହେବା ପରେ ବିଜେ ପ୍ରତିମା ମଦନମୋହନ ଦୋଳବେଦୀରେ ବିଜେ କରିଥିଲେ । ଦୋଳବେଦୀରେ ମହାପ୍ରଭୁଙ୍କ ତିନି ଧୂପ ପାଞ୍ଚ ଅବକାଶ ଦେବ ନୀତି ଅନୁଷ୍ଠିତ ହୋଇଥିଲା । ଅବଧାନ ନୂତନ ପାଞ୍ଜି ପାଠ କରିଥିଲେ ।
ଶ୍ରୀରାମଚନ୍ଦ୍ର ପୁର, ଆଦ୍ୟ ଶାସନ ବୀର ରାମଚନ୍ଦ୍ରପୁର, ବିଶ୍ୱନାଥ ପୁର, ନୂଆଗାଁ, ରାୟଚକ୍ରଧରପୁର ପୁର, ରାୟ ଖଣ୍ଡି ଆଦି ଶାସନ ଗ୍ରାମ ଗୁଡିକରେ ଠାକୁରମାନେ ଦୋଳବେଦୀରେ ବିଜେ କରିଥିଲେ । ସେହିପରି ଉତ୍କଳମଣି ଗୋପବନ୍ଧୁଙ୍କ କୂଳ ଦେବତା ଶ୍ରୀ ରାଧା ବିନୋଦ ବିହାରୀ ଦେବଙ୍କ ଚଳନ୍ତି ପ୍ରତିମା ମଦନମୋହନ ଦୋଳବେଦୀରେ ବିଜେ କରିଥିଲେ । ଦୋଳପୂର୍ଣ୍ଣିମା ଅବସରରେ ଗ୍ରାମ ଗୁଡିକ ଉତ୍ସବମୁଖର ହୋଇ ଉଠିଛି
