ଚଣ୍ଡୀଗଡ- ପଞ୍ଜାବରେ କଂଗ୍ରେସ ଚିତ୍ପଟାଙ୍ଗ ହୋଇଥିବା ବେଳେ ଆମ୍ ଆଦମୀ ପାର୍ଟିକୁ ବହୁମତ ମିଳିଛି । ପୂର୍ବତନ କ୍ରିକେଟର ତଥା ପଞ୍ଜାବ କଂଗ୍ରେସର ଅଧ୍ୟକ୍ଷ ନବଜୋତ ସିଂ ସିଦ୍ଧୁ ହାରିଯାଇଛନ୍ତି । ସେ ଆମ୍ ଆଦମୀର ପ୍ରାର୍ଥୀ ଜୀବନ ଜ୍ୟୋତ କୌରଙ୍କ ଠାରୁ ପରାଜିତ ହୋଇଛନ୍ତି । ଆମ ଆଦାମୀ ପାର୍ଟି ଦୁଇ ତୃତୀୟାଂଶଠାରୁ ଢେର ଅଧିକ ଆସନ ହାସଲ କରିଛି ।
- Advertisement -
ନବଜୋତ ସିଂ ସିଦ୍ଧୁ ନିଜର ଏବ ଦଳ ପରାଜୟକୁ ସ୍ୱୀକାର କରିଛନ୍ତି । ସିଦ୍ଧୁ ଟ୍ୱିଟ କରି ଲୋକଙ୍କ ମତ ଭଗବାନଙ୍କ ମତ ବୋଲି ଉଲ୍ଲେଖ କରିଛନ୍ତି । ଏହା ସହ ଆମ୍ଆଦମୀ ପାର୍ଟିକୁ ଶୁଭେଚ୍ଛା ଜଣାଇଛନ୍ତି ।
ପଞ୍ଜାବରେ ଆମ୍ ଆଦମୀ ପାର୍ଟି ପ୍ରଚଣ୍ଡ ବିଜୟ ହାସଲ କରିଛି । ଦଳର ନେତା ଭଗବନ୍ତ ମାନ ମୁଖ୍ୟମନ୍ତ୍ରୀ ହେବା ଏକ ପ୍ରକାର ନିଶ୍ଚିତ । ପଞ୍ଜାବରେ ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମିରିନ୍ଦର ସିଂହ ହାରିଯାଇଥିବା ବେଳେ ଅନେକ ଶୀର୍ଷ ନେତା ଆମ୍ଆଦାମୀ ପ୍ରାର୍ଥୀଙ୍କ ଠାରୁ କମ୍ ଭୋଟ୍ ପାଇଛନ୍ତି ।
