ବାଙ୍କୀ: ଡମପଡା ପ୍ରୀତମ କୁମାରୀ ବିଦ୍ୟାମନ୍ଦିରର ୧୯୬୯ ମାଟ୍ରିକ ବ୍ୟାଚର ଏକ ବନ୍ଧୁ ମିଳନ ଉତ୍ସବ କୋଭିଡ୍ କଟକଣା ସହ ରବିବାର ଅନୁଷ୍ଠିତ ହୋଇଯାଇଛି। ସ୍ଥାନୀୟ ଅରାଚଣ୍ଡୀ ମନ୍ଦିର ପରିସରରେ ଆୟୋଜିତ ବନ୍ଧୁ ମିଳନ ଉତ୍ସବରେ ଏହି ବ୍ୟାଚର ବନ୍ଧୁମାନେ ଏକାଠି ହୋଇ ବହୁ ପୁରୁଣା ଦିନର ସ୍ମୃତି ଓ ଅନୁଭୂତୀକୁ ମନେପକାଇ ନିଜ ଭିତରେ ଆତ୍ମିୟତା ବାଣ୍ଟିଥିଲେ। ସମସ୍ତ ବନ୍ଧୁମାନେ ପରିଣତ ବୟସରେ ପହଞ୍ଚିଥିବାରୁ ନିଜର ପରିବାର ସମ୍ପର୍କରେ ଆଲୋଚନା କରି ବର୍ତ୍ତମାନ ସମୟରେ ବୃକ୍ଷରୋପଣ, ପରିବେଶ ସୁରକ୍ଷା ଏବଂ ନିୟମିତ ବ୍ୟାୟାମର ଆବଶ୍ୟକତାକୁ ଅନୁଭବ କରି ସୁସ୍ଥ ଜୀବନ ଯାପନ ପାଇଁ ପୁଷ୍ଟିକର ଖାଦ୍ୟ ଏବଂ ଆଧ୍ୟାତ୍ମିକ ମାର୍ଗ ଦର୍ଶନ ପାଇଁ ଆଲୋଚନା କରିଥିଲେ। ବୟସ ବଢିଥିବାରୁ ବିଗତବର୍ଷ ପରି ଚଳିତବର୍ଷ ଏଠାରେ ଏହି ବନ୍ଧୁ ମିଳନ ଅନ୍ୟ ପାଇଁ ପ୍ରେରଣାର ଉତ୍ସ ହେବ ବୋଲି ଆଲୋଚନା କରାଯାଇଛି। ବନ୍ଧୁ ଶୁକାନ୍ତ ବେହେରା, ହରିହର ସ୍ୱାଇଁ, କବିରାଜ ପରିଡା, ଦେବରାଜ ରାଉତ, ମଦନମୋହନ ସାମନ୍ତରାୟ, ବିନୋଦ ବିହାରୀ ଦାସ, ମୁରଲିଧର ଧଳ ପ୍ରମୁଖ ୪୦ଜଣ ପୁରାତନ ଛାତ୍ର ଏହି ବନ୍ଧୁ ମିଳନ ଉତ୍ସବରେ ଯୋଗଦାନ କରିଥିଲେ। ହରିହର ସ୍ୱାଇଁଙ୍କ ଦ୍ୱାରା ଲେଖାଯାଇଥିବା ଡମପଡାଗଡ ଇତିହାସ ପୁସ୍ତକ ଏବଂ ବରିଷ୍ଠ ନାଗରିକମାନଙ୍କ ସୁରକ୍ଷା ସମ୍ପର୍କରେ ଆଲୋଚନା କରାଯାଇ ଡମପଡା ଇତିହାସ ରଚନା ପାଇଁ ଶ୍ରୀ ସ୍ୱାଇଁଙ୍କୁ ବ୍ୟାଚ ପକ୍ଷରୁ ପ୍ରଶଂସା କରାଯାଇଛି।
Popular Categories
Previous article
Next article