ନୂଆଦିଲ୍ଲୀ: ରୁଷ ଓ ୟୁକ୍ରେନ ମଧ୍ୟରେ ଚାଲିଛି ଯୁଦ୍ଧ । ଏହାକୁ ନେଇ ମିଳିତ ଜାତିସଂଘ ସୁରକ୍ଷା ପରିଷଦ ମଧ୍ୟ ନିଜର ପକ୍ଷ ରଖିଛି । ଗତକାଲି ମିଳିତ ଜାତିସଂଘ ସୁରକ୍ଷା ପରିଷଦ ପକ୍ଷରୁ ଘଟଣାକୁ ନେଇ ନିନ୍ଦା ପ୍ରସ୍ତାବ ଆସିଥିଲା । ଆଉ ରୁଷ ୟୁକ୍ରେନ୍ ଉପରେ ଆକ୍ରମଣ କରିବାକୁ ନିନ୍ଦା କରାଯାଇଥିଲା । ସେହି ନିନ୍ଦା ପ୍ରସ୍ତାବରେ କୁହାଯାଇଥିଲା ରୁଷକୁ ତୁରନ୍ତ ୟୁକ୍ରେନ୍ ଛାଡ଼ିବାକୁ । ଆଉ ଏଥିପାଇଁ ଦେଶ ମାନଙ୍କର ଭୋଟ୍ ଗ୍ରହଣ ମଧ୍ୟ କରାଯାଇଥିଲା । ହେଲେ ଏହି ଭୋଟ୍ ଗ୍ରହଣରେ ଭାରତ ଓ ଅଂଶଗ୍ରହଣ କରିନାହାନ୍ତି । ଘଟଣାରେ ଭାରତ ୟୁକ୍ରେନକୁ ନେଇ ଦୁଃଖ ପ୍ରକାଶ କରିଥିଲା । ଏଥିଲାଗି ବିବୃତି ମଧ୍ୟ ରଖିଥିଲା ।
ସୁରକ୍ଷା ପରିଷଦର ଏହି ରିଜୋଲ୍ୟୁସନ୍ ଉପରେ ମତଦାନ ଶୁକ୍ରବାର ଦିନ ନ୍ୟୁୟର୍କର ମିଳିତ ଜାତିସଂଘ ମୁଖ୍ୟାଳୟରେ ହୋଇଥିଲା । ୧୫ ସଦସ୍ୟ ବିଶିଷ୍ଟ ସୁରକ୍ଷା ପରିଷଦ ସଂକଳ୍ପକୁ ୧୧ ଟି ଦେଶ ସମର୍ଥନ କରିଥିଲେ । ହେଲେ ଭାରତ, ଚୀନ୍ ଏବଂ ୟୁଏଇ ମତଦାନରୁ ନିବୃତ୍ତ ହୋଇଥିବାବେଳେ ଯୁଦ୍ଧକୁ ବନ୍ଦ କରିବାକୁ କହିଥିଲେ ।
