ଗୁରୁଗ୍ରାମ: ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ହୋଇ ସୁନାରିଆ ଜେଲରେ ଥିବା ଗୁରମିତ ରାମ ରହିମକୁ ହରିୟାଣା ସରକାର ୨୧ ଦିନିଆ ପାରୋଲରେ ଯିବାକୁ ଅନୁମତି ଦେଇଛନ୍ତି। ଗୁରୁଗ୍ରାମ ଡେରାରେ ସେ ପୁଲିସ ତତ୍ତ୍ବାବଧାନରେ ରହିବ। ଏଥିପାଇଁ ପୁଲିସ ସୋମବାର ଜେଲ ପରିସରରେ ସୁରକ୍ଷା ବ୍ୟବସ୍ଥା ବଢାଇ ଦେଇଛି। ପୁଲିସ ତତ୍ତ୍ୱାବଧାନରେ ରାମ ରହିମକୁ ଜେଲରୁ ଗୁରୁଗ୍ରାମ ଡେରାକୁ ନିଆଯିବ। ଆରକ୍ଷୀ ଅଧୀକ୍ଷକ ଉଦୟ ସିଂହ ମୀନା ଆଇନ ଶୃଙ୍ଖଳା ପରିସ୍ଥିତି ସମ୍ପର୍କରେ ପୁଲିସ ଅଧିକାରୀମାନଙ୍କ ସହ ତିନି ରାଉଣ୍ଡ ବୈଠକ କରି ସାରିଛନ୍ତି। ରାମ ରହିମକୁ ଆଣିବା ପାଇଁ ଗୁରୁଗ୍ରାମ ପୁଲିସ ସୁନାରିଆ ଜେଲରେ ପହଞ୍ଚିସାରିଛି। କଡ଼ା ସୁରକ୍ଷା ମଧ୍ୟରେ ଦିନ ୪ଟା ପରେ ତାକୁ ଦକ୍ଷିଣ ଗୁରୁଗ୍ରାମରେ ସ୍ଥିତ ଡେରାକୁ ନିଆଯିବ। ଅପରପକ୍ଷେ, ପଞ୍ଜାବ ନିର୍ବାଚନ ପୂର୍ବରୁ ପାରୋଲ ମିଳିବାକୁ ନେଇ ଅନେକ ରାଜନୈତିକ ଅର୍ଥ ମଧ୍ୟ ବାହାର କରାଯାଉଛି।
୨୦୧୭ଠୁ ଏପର୍ଯ୍ୟନ୍ତ ଜେଲରେ ରହିବା ଭିତରେ ରାମରହିମକୁ ପ୍ରଥମ ଥର ପାଇଁ ୨୧ ଦିନିଆ ପାରୋଲ ମିଳିଛି। ତେବେ ପୂର୍ବରୁ ମାଆଙ୍କୁ ଭେଟିବା ପାଇଁ ୧୨ ଘଣ୍ଟାର ପାରୋଲରେ ସେ ଗୁରୁଗ୍ରାମ ଆସିଥିଲା।
Comments are closed.